തിരുവനന്തപുരം: കേരളത്തിൽ സ്വർണവില റെക്കോർഡുകള് ഭേദിച്ച് കുതിക്കുന്നു. ഇന്ന് പവന് 360 രൂപയാണ് കൂടിയത്. ഇതോടെ ഒരു പവൻ സ്വർണത്തിന്റെ വിപണിവില 57,120 രൂപയാണ്. ഗ്രാമിന് 45 രൂപയാണ് വര്ധിച്ചത്. 7140 രൂപയാണ് ഒരു ഗ്രാം സ്വര്ണത്തിന്റെ വില.
രാജ്യാന്തര വിപണിയിലെ വില വർധനവാണ് സംസ്ഥാനത്തെ വിപണിയിലും സ്വർണത്തിന് വില കൂടാൻ കാരണമായി ചൂണ്ടിക്കാട്ടപ്പെടുന്നത്. നാല് വർഷത്തിന് ശേഷം യുഎസ് ഫെഡറല് റിസർവ് അരശതമാനം പലിശ നിരക്ക് കുറച്ചതാണ് വിപണിയില് പ്രതിഫലിച്ചത്. യുക്രൈൻ യുദ്ധം ആരംഭിച്ചത് മുതല് ആഗോളവിപണിയുടെ ചുവട് പിടിച്ചാണ് സ്വർണ വില റെക്കോർഡുകള് ഭേദിച്ച് മുന്നേറുന്നത്.
ഈ മാസം നാലിന് ആണ് സ്വർണവില 56,960 രൂപയായി ഉയർന്ന് പുതിയ റെക്കോർഡ് കുറിച്ചത്. തുടർന്ന് ദിവസങ്ങളുടെ വ്യത്യാസത്തില് വില 56,200 രൂപ വരെയായി താഴ്ന്നു. എന്നാല് ഇന്ന് വീണ്ടും വില വർദ്ധിക്കുകയായിരുന്നു. ഈ വർഷം അവസാനത്തോടെ സ്വർണവില പുതിയ റെക്കോർഡിലേക്കെത്തുമെന്നാണ് റിപ്പോർട്ടുകള്
TAGS : GOLD RATES | INCREASED
SUMMARY : Gold rate is increased
