കെഎൻഎസ്എസ് മഹാദേവപുര കരയോഗം ഓണാഘോഷവും കുടുംബസംഗമവും 17 ന്

ബെംഗളൂരു : കെഎൻഎസ്എസ് മഹാദേവപുര കരയോഗം വാർഷിക കുടുംബ സംഗമവും ഓണാഘോഷവും സംഘടിപ്പിക്കുന്നു. നവംബർ 17 ന് രാവിലെ 9 മുതൽ മാറത്തഹള്ളി എഇസിഎസ് ലേ ഔട്ടിലുള്ള സിഎംആർ ഇൻസ്റ്റിറ്റ്യൂട്ട് ഓഫ് ടെക്നോളജി ഓഡിറ്റോറിയത്തിൽ ആണ് ഓണാഘോഷം സംഘടിപ്പിക്കുന്നത്. അംഗങ്ങളുടെ കലാപരിപാടികൾ, പൂക്കള മത്സരം, തിരുവാതിരക്കളി മത്സരം, വനിതകൾ അവതരിപ്പിക്കുന്ന ശിങ്കാരിമേളം, തെയ്യം, നാടൻ പാട്ടുകൾ ഓണസദ്യ എന്നിവയ്ക്ക് പുറമെ പ്രശസ്ത പിന്നണി ഗായകനും അഗം ബാൻഡ് ലീഡ് സിംഗറുമായ ഹരീഷ് ശിവരാമകൃഷ്ണനും സംഘവും അവതരിപ്പിക്കുന്ന സംഗീത മെഗാ ഷോ എന്നിവ ഉണ്ടായിരിക്കുന്നതാണ്.

കരയോഗം പ്രസിഡന്റ്‌ കെ മോഹനന്റെ അധ്യക്ഷതയിൽ ചേരുന്ന സാംസ്‌കാരിക സമ്മേളനത്തിൽ മുൻ മന്ത്രി അരവിന്ദ് ലിംബാവലി മുഖ്യ അതിഥി ആയിരിക്കും, ചെയർമാൻ രാമചന്ദ്രൻ പാലേരി, ജനറൽ സെക്രട്ടറി ആർ മനോഹരക്കുറുപ്പ്, ഖജാൻജി മുരളീധർ നായർ എന്നിവർ പങ്കെടുക്കും. പൂക്കള മത്സരം, തിരുവാതിരക്കളി മത്സരത്തിൽ പങ്കെടുക്കുന്നതിനുള്ള രജിസ്ട്രേഷൻ നവംബർ 5ന് അവസാനിക്കുമെന്ന് സെക്രട്ടറി വി കെ രവീന്ദ്രൻ അറിയിച്ചു. ഫോൺ : 8095544890.
<BR>
TAGS : KNSS,
SUMMARY : KNSS Mahadevapura Karayogam Onam celebrations and family reunion on 17th