കാസറഗോഡ്: ദേശീയപാതയില്‍ വീണ്ടും മണ്ണിടിഞ്ഞു. അതിശക്തയമായ മഴയെ തുടർന്ന് ബേവിഞ്ചയിലെ ബസ് സ്റ്റോപ്പിന് മുകളിലേക്ക് സംരക്ഷണ ഭിത്തി ഇടിഞ്ഞ് വിഴുകയായിരുന്നു. ബസ് സ്റ്റോപ്പില്‍ ആളില്ലാഞ്ഞതിനാലാണ് ദുരന്തം ഒഴിവായത്. സംഭവത്തിന് പിന്നാലെ പ്രദേശത്തുനിന്ന് ആളുകളെ ഒഴിപ്പിച്ചു. സ്ഥലത്തെ ഗതാഗതം പൂര്‍ണമായി സ്തംഭിച്ചു.
വീണ്ടും മണ്ണിടിയാൻ സാധ്യതയുള്ളതിനാലാണ് മുൻകരുതല്‍ എടുത്തത്. ഇത്തരം സംഭവ വികാസങ്ങള്‍ പ്രദേശത്ത് ആവർത്തിക്കുകയാണ്. മഴയ്ക്ക് ശമനമില്ലാത്തതിനാല്‍ മണ്ണിടിഞ്ഞ ഭാഗത്ത് നിന്ന് വീണ്ടും ചെറിയ തോതില്‍ മണ്ണ് താഴേയ്ക്ക് പതിക്കുന്നുണ്ട്. ഇടിഞ്ഞുവീണ മണ്ണ് നീക്കം ചെയ്യലും അപകടകരമാണ്. നീക്കം ചെയ്യാന്‍ ശ്രമിച്ചപ്പോള്‍ പലയിടങ്ങളിലും വിളളല്‍ കണ്ടെത്തി. അതിനാല്‍ മണ്ണ് നീക്കം ചെയ്യല്‍ താല്‍ക്കാലികമായി നിര്‍ത്തി വച്ചിരിക്കുകയാണ്.
SUMMARY : Landslide on Kasaragod National Highway again
