ബനശങ്കരിയിൽ പുള്ളിപ്പുലി സാന്നിധ്യം; ജാഗ്രത പാലിക്കാൻ മുന്നറിയിപ്പ് നൽകി വനം വകുപ്പ്

ബെംഗളൂരു: ബെംഗളൂരുവിൽ വീണ്ടും പുള്ളിപ്പുലി ഭീതി. ബനശങ്കരി ലേഔട്ടിൽ ശനിയാഴ്ച രാത്രിയും, ഞായറാഴ്ച പുലർച്ചെയോടെയുമാണ് പുള്ളിപ്പുലിയെ കണ്ടത്. പുള്ളിപ്പുലി സഞ്ചരിക്കുന്നതിന്റെ ദൃശ്യങ്ങൾ സിസിടിവി ക്യാമറകളിൽ നിന്ന് ലഭിച്ചിട്ടുണ്ടെന്ന് വനം വകുപ്പ് സ്ഥിരീകരിച്ചു.

കഴിഞ്ഞ മൂന്ന് മാസത്തിനിടെ, പ്രദേശത്ത് പത്തിലധികം നായ്ക്കളെയും, ആടുകളെയും കന്നുകാലികളെ കാണാതായിട്ടുണ്ട്, ഇതിന് പുള്ളിപ്പുലിയാണ് കാരണമെന്ന് നാട്ടുകാർ സംശയം പ്രകടിപ്പിച്ചു. കഴിഞ്ഞ് മൂന്ന് ദിവസമായി പുള്ളിപ്പുലിയെ ഭയന്ന് ഡെലിവറി ജീവനക്കാർ പ്രദേശത്ത് പ്രവേശിക്കാൻ മടിക്കുന്നതായും നാട്ടുകാർ ആരോപിച്ചു.

എന്നാൽ പരിഭ്രാന്ത്രി ആവശ്യമില്ലെന്നും എല്ലാവരും ജാഗ്രത പാലിച്ചാൽ മതിയെന്നും വനം വകുപ്പ് അറിയിച്ചു. അതിരാവിലെയും, വൈകീട്ട് 7 മണിക്ക് ശേഷവും അനാവശ്യമായി ആരും പുറത്തിറങ്ങരുതെന്നും വനം വകുപ്പ് നിർദേശിച്ചു. പുലിയെ പിടികൂടാൻ വിവിധയിടങ്ങളിലായി കൂടുകളും നിരീക്ഷണ ക്യാമറകളും വനം വകുപ്പ് സ്ഥാപിച്ചിട്ടുണ്ട്.

TAGS: BENGALURU | LEOPARD
SUMMARY: Leopard spotted in Banashankari Layout, residents anxious