എൽപിജി പ്രതിസന്ധി; ബെംഗളൂരുവില്‍ വീട്ടില്‍ നിന്ന് യുവാക്കള്‍ ഗ്യാസ് സിലിണ്ടറുകള്‍ മോഷ്ടിക്കുന്ന ദൃശ്യങ്ങള്‍ പുറത്ത്

ബെംഗളുരു: എൽപിജി പ്രതിസന്ധിക്കിടെ ബെംഗളൂരുവില്‍ വീട്ടില്‍ നിന്ന് രണ്ട് യുവാക്കള്‍ ചേര്‍ന്ന് ഗ്യാസ് സിലിണ്ടറുകള്‍ മോഷ്ടിക്കുന്ന ദൃശ്യങ്ങള്‍ പുറത്ത്. ബേഗുര്‍ ആർസി ലേയൗട്ടിലെ വിശ്വപ്രിയ അപ്പാർട്ട്മെൻ്റിലാണ് മോഷണം നടന്നത്. ഹെൽമറ്റ് ധരിച്ചെത്തിയ രണ്ട് യുവാക്കൾ രണ്ട് സിലിണ്ടറുകളുമായി സ്കൂട്ടറിൽ കടന്നുകളയുന്നത്തിന്റെ സിസിടിവി ദൃശ്യങ്ങളാണ്  പുറത്തുവന്നത്. .

മോഷ്ടാക്കളിൽ ഒരാൾ ഗേറ്റിന് പുറത്ത് കാത്തുനിൽക്കുന്നതാണ് ദൃശ്യങ്ങളിലുള്ളത്. ഒപ്പമുള്ളയാൾ റെസിഡൻസിന്റെ മുറ്റത്ത് കയറി രണ്ട് പാചകവാതക ഗ്യാസ് സിലിണ്ടറുകൾ എടുത്തുകൊണ്ട് വരികയും ടൂവീലറിൽ കയറ്റി കൊണ്ടുപോവുകയുമായിരുന്നു.

സംഭവത്തില്‍ ബേഗൂർ പോലീസ് കേസെടുത്തിട്ടുണ്ട്. അന്വേഷണം ആരംഭിച്ചിട്ടുണ്ടെങ്കിലും, പ്രതികളെ ഇതുവരെ കണ്ടെത്താനായിട്ടില്ല.
SUMMARY: LPG crisis; Youths steal cylinders from homes in Bengaluru