ബെംഗളൂരു: സർജാപുര മലയാളി സമാജത്തിന്റെ നേതൃത്വത്തിൽ മലയാളം മിഷന്‍ മലയാളം ക്ലാസുകളിലേക്കുള്ള പ്രവേശനോത്സവം സംഘടിപ്പിച്ചു. സോംപുരയിലെ ഐ.ഡി.സി. ഗ്രാൻഡ് ഹോട്ടലിൽ നടന്ന ചടങ്ങിൽ മലയാളം മിഷന്‍ കര്‍ണാടക ചാപ്റ്റര്‍ അക്കാദമിക് കോര്‍ഡിനേറ്റര്‍ മീര നാരായണന്‍ ഉദ്ഘാടനം ചെയ്തു. സമാജം ജനറൽ സെക്രട്ടറി ഷോബിത് പുതിയപുരയിൽ, ട്രഷറർ ശ്രീ വിദ്യ ശ്രീറാം, കലാ-സാഹിത്യ വേദി കൺവീനർ രഞ്ജിത്ത് പി. ആർ. എന്നിവർ സംസാരിച്ചു.
മലയാള ഭാഷയും സംസ്കാരവും പുതുതലമുറയിലേക്ക് പകരുന്നതിന്റെ പ്രാധാന്യം ചടങ്ങിൽ പങ്കെടുത്തവർ ചൂണ്ടിക്കാട്ടി. മലയാളം ക്ലാസുകൾക്ക് നേതൃത്വം നൽകുന്ന അധ്യാപകരെ ചടങ്ങിൽ ആദരിക്കുകയും ചെയ്തു. ഇരുപത്തിയഞ്ചോളം കുട്ടികളും അവരുടെ രക്ഷിതാക്കളും പ്രവേശനോത്സവത്തിൽ പങ്കെടുത്തു. മലയാള ഭാഷയുടെ സംരക്ഷണവും പ്രചാരണവും ലക്ഷ്യമാക്കി കൂടുതൽ പ്രവർത്തനങ്ങൾ സംഘടിപ്പിക്കുമെന്ന് ഭാരവാഹികൾ അറിയിച്ചു.
SUMMARY: Malayalam Mission Induction Festival at Sarjapura Malayali Society
