തിരുവനന്തപുരം: നിയമസഭ തിരഞ്ഞെടുപ്പില് വോട്ട് രേഖപ്പെടുത്തി നടൻ മോഹൻലാല്. നേമം മണ്ഡലത്തില് മുടവൻമുകള് സ്കൂള് ബൂത്ത് 36ല് എത്തിയാണ് മോഹൻലാല് വോട്ട് രേഖപ്പെടുത്തിയത്. വോട്ട് ചെയ്ത ശേഷം അമേരിക്കയിലേക്ക് പോകാനിരുന്ന അദ്ദേഹം, ഈ പൗരധർമ്മം നിർവ്വഹിക്കാനായി മാത്രമാണ് കൊച്ചിയില് നിന്നും തിരുവനന്തപുരത്തെത്തിയത്.
വോട്ട് രേഖപ്പെടുത്തിയ ശേഷം അദ്ദേഹം അമേരിക്കയിലേക്ക് തിരിക്കും. “ദിസ് ഈസ് മൈ മെസേജ്’ എന്നായിരുന്നു മഷി പുരട്ടിയ ചൂണ്ട് വിരല് ഉയർത്തി കാട്ടിയുള്ള നടൻ പ്രതികരിച്ചത്. വോട്ട് ചെയ്തതിന്റെ ചിത്രവും മോഹൻലാല് തന്റെ സോഷ്യല്മീഡിയ അക്കൗണണ്ടിലൂടെ പങ്കുവച്ചിട്ടുണ്ട്. മറ്റ് വോട്ടർമാർക്കൊപ്പം വരിയില് നിന്നാണ് താരം ബൂത്തിനകത്തേക്ക് പ്രവേശിച്ചത്. തിരഞ്ഞെടുപ്പ് പ്രക്രിയയുടെ ആദ്യ മിനിറ്റുകളില് തന്നെ അദ്ദേഹം വോട്ട് രേഖപ്പെടുത്താനെത്തി എന്നത് ശ്രദ്ധേയമായി.
ബൂത്തിലെത്തിയ മോഹൻലാലിനെ നേമത്തെ സ്ഥാനാർഥികളായ എല്ഡിഎഫിന്റെ വി. ശിവൻകുട്ടിയും യുഡിഎഫിന്റെ കെ.എസ്. ശബരീനാഥനും നേരിട്ട് കണ്ട് സംസാരിച്ചു. 30,471 പോളിംഗ് ബൂത്തുകളാണ് സംസ്ഥാനത്ത് സജ്ജമാക്കിയിരിക്കുന്നത്. 883 സ്ഥാനാർഥികളാണ് മത്സരരംഗത്ത്. രാവിലെ ഏഴു മുതല് വൈകുന്നേരം ആറുവരെ സംസ്ഥാനത്തെ 30,495 ബൂത്തുകളിലായാണ് ജനങ്ങളുടെ വിധിയെഴുത്ത്.
SUMMARY’I have done my duty, now it’s your turn’; Mohanlal shares picture after casting his vote
