ബെംഗളൂരു: കർണാടക നിയമസഭ, നിയമനിർമാണ കൗൺസിലിന്റെ മൺസൂൺ സമ്മേളനം ഓഗസ്റ്റ് 11 മുതൽ 22 വരെ വിധാൻ സൗധയിൽ നടക്കും. ചിന്നസ്വാമി സ്റ്റേഡിയത്തിൽ ആർസിബിയുടെ വിജയാഘോഷത്തിനിടെ 11 പേർ മരിക്കാനിടയായ സംഭവം ഉൾപ്പെടെ വിവിധ വിഷയങ്ങൾ ഇരുസഭകളിലും ചൂടേറിയ ചർച്ചകൾക്കു വഴിയൊരുക്കും.
പുതിയ ജാതി സെൻസസും തീരദേശ ജില്ലകളിൽ വർധിക്കുന്ന വർഗീയ കൊലപാതകങ്ങളും ചർച്ചയാകും. വ്യാജ വാർത്തകളെ തടയുന്നത് ലക്ഷ്യമിട്ടുള്ളത് ഉൾപ്പെടെ സുപ്രധാന ബില്ലുകൾ അവതരിപ്പിക്കും.
മുഖ്യമന്ത്രി സ്ഥാനത്തു നിന്നു സിദ്ധരാമയ്യയെയും പിസിസി പ്രസിഡന്റു സ്ഥാനത്തു നിന്നു ഡി.കെ. ശിവകുമാറിനെയും മാറ്റണമെന്ന ആവശ്യം കോൺഗ്രസിനുള്ളിലും സംസ്ഥാന പ്രസിഡന്റ് ബി.വൈ. വിജയേന്ദ്രയെ മാറ്റണമെന്ന ആവശ്യം ബിജെപിയിലും ഉയരുന്നുണ്ട്. ഇതുമായി ബന്ധപ്പെട്ട പ്രതികരണങ്ങളും ഇരുസഭകളിലും ഉണ്ടാകും.
SUMMARY: Monsoon session of Karnataka legislature from August 11 to 22.
