പത്തനംതിട്ട: കോന്നിയില്‍ ഓടിക്കൊണ്ടിരുന്ന ടിപ്പർ ലോറിക്ക് തീപിടിച്ചു. കോന്നി കൂടല്‍ പോത്തുപ്പാറയിലാണ് സംഭവം. പോത്തുപ്പാറയില്‍ പ്രവർത്തിക്കുന്ന പാറ ക്രഷർ യൂണിറ്റില്‍ നിന്നും ലോഡുമായി തിരികെ പോകുമ്പോഴായിരുന്നു തീപിടിത്തം ഉണ്ടായത്. ഡ്രൈവർ ഉള്‍പ്പെടെ മൂന്നു പേരാണ് വണ്ടിയില്‍ ഉണ്ടായിരുന്നത്.
എതിരെ വാഹനത്തില്‍ വന്നവർ ലോറിയില്‍ നിന്നും പുക ഉയരുന്ന കാര്യം ഡ്രൈവറുടെ ശ്രദ്ധയില്‍പ്പെടുത്തിയതോടെ മൂന്നു പേരും വാഹനത്തില്‍ നിന്നും ചാടി ഇറങ്ങിയതിനാല്‍ വലിയ ദുരന്തം ഒഴിവായി. കോന്നി ഫയർഫോഴ്സ് സ്ഥലത്ത് എത്തി തീ നിയന്ത്രണവിധേയമാക്കിയെങ്കിലും അപ്പോഴേക്കും വാഹനം പൂർണമായും കത്തി നശിച്ചു.
തീപിടിത്തത്തിന്റെ കാരണം വ്യക്തമല്ല ഷോർട്ട് സർക്യൂട്ട് ആണെന്നാണ് പ്രാഥമിക നിഗമനം. കൂടല്‍ പോലീസ് സ്ഥലത്തെത്തി വിശദമായ വിവരങ്ങള്‍ ശേഖരിക്കുകയാണ്. മോട്ടോർ വാഹന വകുപ്പും പരിശോധന നടത്തും.
SUMMARY: Moving tipper catches fire in Konni; three people jump out and escape
