സംസ്ഥാനത്ത് സിക്ക വൈറസ് ബാധിച്ച് ഒരു മരണം

ബെംഗളൂരു: സംസ്ഥാനത്ത് സിക്ക വൈറസ് ബാധിച്ച് ഒരു മരണം. ശിവമോഗയിൽ നിന്നുള്ള 75കാരനാണ് മരിച്ചത്. ജൂലൈ അഞ്ചിനാണ് ഇദ്ദേഹത്തിന് സിക്ക വൈറസ് സ്ഥിരീകരിച്ചത്. ജൂൺ 19 മുതൽ പനി ബാധിച്ച ഇദ്ദേഹത്തെ ആദ്യം നഗരത്തിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്നു. പിന്നീട് ജില്ലാ മക്ഗാൻ ടീച്ചിംഗ് ജനറൽ ആശുപത്രിയിലേക്ക് മാറ്റിയിരുന്നു. ഇവിടെ വെച്ചാണ് സിക്ക ബാധിച്ചതായി സ്ഥിരീകരിച്ചത്.

അതേസമയം ബെംഗളൂരുവിൽ അഞ്ച് പേർക്ക് സിക്ക വൈറസ് സ്ഥിരീകരിച്ചു. ബെംഗളൂരു സൗത്തിലെ ആനേക്കൽ, ജിഗനി പ്രദേശങ്ങളിലാണ് വൈറസ് ബാധ സ്ഥിരീകരിച്ചിട്ടുള്ളത്. ആരോഗ്യവകുപ്പ് രോഗികളുടെയും കുടുംബാംഗങ്ങളുടെയും രക്തസാമ്പിളുകൾ ശേഖരിച്ച് സ്ഥിതിഗതികൾ സൂക്ഷ്മമായി നിരീക്ഷിച്ചുവരികയാണ്.

സംസ്ഥാനത്ത് ഇതുവരെ ഏഴ് സിക്ക കേസുകളാണ് റിപ്പോർട്ട് ചെയ്തിരിക്കുന്നത്. കേസുകൾ റിപ്പോർട്ട് ചെയ്ത പ്രദേശങ്ങൾ കണ്ടെയ്ൻമെൻ്റ് സോണുകളായി പ്രഖ്യാപിക്കുമെന്ന് ആരോഗ്യ വകുപ്പ് അറിയിച്ചിട്ടുണ്ട്.

TAGS: KARNATAKA | ZIKA VIRUS
SUMMARY: One death reported in state due to zika virus