ബെംഗളൂരു: നിയന്ത്രണം വിട്ട സ്വകാര്യ ബസ് മറിഞ്ഞ് ഒരു മരണം. ചാമരാജനഗർ ഹനൂർ താലൂക്കിലെ മണ്ഡലിക്കടുത്ത് ഞായറാഴ്ചയാണ് അപകടം. ബസിൽ യാത്ര ചെയ്തിരുന്ന 70 പേർക്ക് പരുക്കേറ്റു. ബസിന്റെ ക്ലീനറും ദൊഡിണ്ടുവാടി സ്വദേശിയുമായ നവീൻ (30) ആണ് മരിച്ചത്.
കനകപുര താലൂക്കിലെ കബ്ബാലുവിനടുത്തുള്ള ഹനിയുരു ഗ്രാമത്തിൽ വിവാഹനിശ്ചയ ചടങ്ങിൽ പങ്കെടുക്കാൻ പോയ ഷാഗ്യ ഗ്രാമത്തിൽ നിന്നുള്ളവരാണ് അപകടത്തിൽ പെട്ടത്. ചടങ്ങ് കഴിഞ്ഞ് ഇവർ സ്വകാര്യ ബസിൽ മടങ്ങുകയായിരുന്നു. കൊത്തനുരു-മണ്ഡലിക്ക് സമീപമുള്ള വളവിൽ വെച്ച് ഡ്രൈവർക്ക് ബസിന്റെ നിയന്ത്രണം നഷ്ടപ്പെടുകയായിരുന്നു. പരുക്കേറ്റവരെ കൊല്ലേഗലിലെ ഹോളിക്രോസ് ആശുപത്രിയിലേക്കും സർക്കാർ ആശുപത്രിയിലേക്കും മാറ്റി. സംഭവത്തിൽ ഹനൂർ പോലീസ് കേസെടുത്തു.
TAGS: KARNATAKA | ACCIDENT
SUMMARY: One killed, 70 injured as bus topples near Hanur
WhatsApp
Telegram
