സ്കൂളുകളിലെയും ട്യൂഷൻ സെൻ്ററുകളിലെയും അവധിക്കാല ക്ലാസുകള്‍ നിരോധിച്ച്‌ പത്തനംതിട്ട കളക്ടര്‍

പത്തനംതിട്ട: ഉഷ്ണതരംഗ സാധ്യത തുടരുന്നതിനാല്‍ പത്തനംതിട്ട ജില്ലയിലെ അവധിക്കാല ക്ലാസുകള്‍ നിരോധിച്ച്‌ ജില്ലാ കളക്ടർ. ജില്ലയിലെ എല്ലാ സ്കൂളുകളിലെയും ട്യൂഷൻ സെൻ്ററുകളിലെയും വേനല്‍ക്കാല അവധിക്കാല ക്ലാസുകള്‍ നിരോധിച്ചു. ഇതുസംബന്ധിച്ച നിർദേശം കളക്ടർ കൈമാറി. ജില്ലയില്‍ ഉയർന്ന താപനില തുടരുന്ന സാഹചര്യത്തിലാണ് കളക്ടറുടെ നിർണായക തീരുമാനം.

എന്നുവരെയാണ് നിയന്ത്രണം ഏർപ്പെടുത്തിയിരിക്കുന്നതെന്ന കാര്യം കളക്ടർ അറിയിച്ചിട്ടില്ല. സംസ്ഥാനത്ത് ഇടവിട്ട തോതില്‍ വേനല്‍ മഴ ആരംഭിച്ചെങ്കിലും പത്തനംതിട്ട ജില്ലയില്‍ ഉയർന്ന താപനില മുന്നറിയിപ്പ് തുടരുകയാണ്. പത്തനംതിട്ട ജില്ലയില്‍ 37 ഡിഗ്രി സെല്‍ഷ്യസ് വരെ ചൂട് ഉയരാൻ സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. വെള്ളിയാഴ്ചവരെ ജില്ലയില്‍ ഉയർന്ന താപനില മുന്നറിയിപ്പ് തുടരുകയാണ്.

SUMMARY: Pathanamthitta Collector bans vacation classes in schools and tuition centers