ബെംഗളൂരു: മലയാളം മിഷൻ ബാബുസാഹിബ് പാളയ സെൻറ് ജോസഫ് ഇടവക പഠനകേന്ദ്രത്തിൽ പ്രവേശനോത്സവം നടത്തി. ഇടവക മതബോധന കേന്ദ്രത്തിൽ നടന്ന ചടങ്ങില് മലയാളം മിഷൻ കർണാടക കോർഡിനേറ്റർ ടോമി ആലുങ്കൽ വിശിഷ്ടാതിഥി
യായിരുന്നു.
സെന്റർ രക്ഷാധികാരി ഫ. ടോണി മൂന്നുപീടിയേക്കൽ അധ്യക്ഷത വഹിച്ചു. വിദ്യാർഥികളുടെ നാടൻ നൃത്തവും അധ്യാപകരും വിദ്യാർഥികളും ചേർന്നു നാടൻ പാട്ടും അധ്യാപകർ നാടൻ കലാരൂപങ്ങളായ കുമ്മാട്ടി കളിയും പടയണിയും എരുതും അവതരിപ്പിച്ചു. നടപ്പുകൈക്കാരൻ ടോമി എ. സി, പ്രിൻസിപ്പാൾ കാർണീവ് തോമസ്, സെക്രട്ടറി ജസ്റ്റിൻ കൊട്ടാരം എന്നിവര് സംസാരിച്ചു.
അധ്യാപകരായ സജി വർഗീസ്, അനീഷ് കുര്യാക്കോസ്, റോമിസ് പി. മാത്യു, പ്രസാദ് ജോസ്, നിജോ കെ ജെ, നിജോ ജോസ്, ഫ്രാൻസിസ് ജോസഫ്, വിജു കെ ജെ, ആൻസി സെബാസ്റ്റ്യൻ, ബിജി കാർണിവ്, ജസ്നി ചാൾസ് എന്നിവർ നേതൃത്വം നല്കി. കൈക്കാരന്മാരായ ജിം ജോൺ ബാബു, ടോമി സെബാസ്റ്റ്യൻ, സോജൻ ജോസഫ് എന്നിവരും വിദ്യാർഥികളുടെ മാതാപിതാക്കളും ഇടവകാംഗങ്ങളും പരിപാടിയിൽ പങ്കെടുത്തു.
