ബെംഗലൂരു: കര്ണാടക പബ്ലിക് കമ്മീഷന് പരീക്ഷാ ക്രമക്കേടില് ഐഎഎസ് ഓഫീസര് കസ്റ്റഡിയില്. 2016 ബാച്ച് ഐ.എ.എസ് ഉദ്യോഗസ്ഥനായ ജ്ഞാനേന്ദ്ര കുമാർ ഗംഗ്വാറിനെയാണ് രണ്ട് ദിവസം തുടർച്ചയായി ചോദ്യം ചെയ്യലിനുശേഷം കസ്റ്റഡിയിലെടുത്തത്. അന്വേഷണത്തോട് സഹകരിക്കാത്തതിനെ തുടർന്നാണ് നടപടിയെന്ന് ഉദ്യോഗസ്ഥർ വ്യക്തമാക്കി.
വെള്ളിയാഴ്ച സിഐഡി സംഘം അദ്ദേഹത്തെ ഒമ്പത് മണിക്കൂറോളം ചോദ്യം ചെയ്തിരുന്നു. കര്ണാടക വ്യവസായ-വാണിജ്യ വകുപ്പില് എംഎസ്എംഇ ഡയറക്ടറായി സേവനമനുഷ്ഠിക്കുന്ന ഗംഗ്വാര്, ക്രമക്കേടുകള് നടന്ന സമയത്ത് കെപിഎസ്സിയില് പരീക്ഷാ കണ്ട്രോളറായി പ്രവര്ത്തിക്കുകയായിരുന്നു. ഈ വര്ഷം മാര്ച്ചിലാണ് അദ്ദേഹത്തെ ആ സ്ഥാനത്തു നിന്ന് നീക്കിയത്
പരീക്ഷയിലെ ക്രമക്കേടുകളുമായി ബന്ധപ്പെട്ട കള്ളപ്പണം വെളുപ്പിക്കല് അന്വേഷണത്തിന്റെ ഭാഗമായി, ഓഗസ്റ്റ് 23-ന് എന്ഫോഴ്സ്മെന്റ് ഡയറക്ടറേറ്റ് ബെംഗളൂരുവിലെയും ബറേലിയിലെയും അദ്ദേഹത്തിന്റെ വസതികളില് റെയ്ഡ് നടത്തിയിരുന്നു.
SUMMARY: PSC Exam Irregularity; IAS officer in custody in Karnataka
SUMMARY: PSC Exam Irregularity; IAS officer in custody in Karnataka
