ബെംഗളൂരു: ക്ഷേത്രങ്ങളും വീടുകളും ഭക്തിസാന്ദ്രമാക്കി രാമായണമാസത്തിന് നാളെ തുടക്കമാകും. ഇനി 30 ദിനങ്ങൾ വ്രതശുദ്ധിയോടെ രാമായണ പാരായണമാണ്. ബെംഗളൂരുവിലെ വിവിധ മലയാളി ക്ഷേത്രങ്ങളുടെയും സംഘടനകളുടെയും കൂട്ടായ്മകളുടെയും നേതൃത്വത്തിൽ ഒരു മാസക്കാലം നീണ്ടുനിൽക്കുന്ന രാമായണ പാരായണവും ആധ്യാത്മിക പ്രഭാഷണ പരമ്പരകളും ഒരുക്കിയിട്ടുണ്ട്.
🔘 കെഎൻഎസ്എസ് കരയോഗങ്ങള്
ദാസറഹള്ളി കരയോഗം മഹിളാവിഭാഗം ചൈതന്യയുടെ നേതൃത്വത്തിൽ 2026 ജൂലൈ 17 കർക്കിടകം 1 മുതൽ ആദൃത്തെ അഞ്ച് ദിവസം രാവിലെ 9 മണി മുതൽ 11.30 വരെ കരയോഗം ഓഫീസിൽ വച്ച് രാമായണ പാരായണം നടത്തും. തുടർന്ന് കരയോഗം അംഗങ്ങളുടെ ആവശ്യപ്രകാരം അവരുടെ വീടുകളിൽ വച്ചോ കരയോഗം ഓഫീസിൽ വച്ചോ പാരായണം നടത്തുന്നതാണ്. ആഗസ്റ്റ് 16 ന് (കർക്കിടകം 31) കരയോഗം ഓഫീസിൽ വച്ച് രാവിലെ 9 മണി മുതൽ നടത്തുന്ന പാരായണത്തോടുകൂടി ഒരു മാസം നീണ്ടുനിൽക്കുന്ന രാമായണമാസാചരണം സമാപിക്കും. ഫോണ്: 8714966136
🔘 ജാലഹള്ളി അയ്യപ്പക്ഷേത്രം
നാളെ മുതൽ ഓഗസ്റ്റ് 16 വരെ എല്ലാ ദിവസവും രാവിലെ 7 മുതൽ രാമായണ പാരായണത്തിന് എൽ.രാജൻ എരുവ നേതൃത്വം നൽകുമെന്ന് ക്ഷേത്ര സമിതി ട്രസ്റ്റ് പി.വിശ്വനാഥൻ അറിയിച്ചു.
🔘 ഹെബ്ബാൾ കെംപാപുര അയ്യപ്പക്ഷേത്രം
നാളെ രാവിലെ 8.15ന് രാമായണ പാരായണത്തിന് മോഹനൻ നേതൃത്വം നൽകും. ഭഗവതി സേവ വൈകിട്ട് 7ന് ആരംഭിക്കും. ഫോൺ: 9480714276.
🔘 ജെസി നഗർ അയ്യപ്പക്ഷേത്രം
നാളെ വൈകിട്ട് 7ന് രാമായണ മാസാചരണം സ്വാമി ബോധസ്വരൂപാനന്ദജി മഹാരാജ് ഉദ്ഘാടനം ചെയ്യും. ദിവസവും വൈകിട്ട് 7 മുതൽ 8 വരെ രാമായണ പാരായണം, പ്രസാദ് ഊട്ട് എന്നിവ ഉണ്ടായിരിക്കും. ഓഗസ്റ്റ് 16ന് വൈകിട്ട് 7.30നു സർവൈശ്വര്യ പൂജയോടെ സമാപിക്കുമെന്ന് ജനറൽ സെക്രട്ടറി കെ.ശശികുമാർ അറിയിച്ചു. ഫോൺ: 080-23333352. വെബ്സൈറ്റ്: www.jcnagarayyappantemple.com
🔘 സമന്വയ
സമന്വയ എജ്യുക്കേഷനൽ ആൻഡ് ചാരിറ്റബിൾ ട്രസ്റ്റ് ദാസറഹള്ളി ഭാഗിന്റെ നേതൃത്വത്തിൽ നാളെ മുതൽ വൈകിട്ട് 6.30നു ഭവനങ്ങളിലും ക്ഷേത്രങ്ങളിലും സുബ്രഹ്മണ്യന്റെ നേതൃത്വത്തിൽ രാമായണ പാരായണവും ഭജനയും ഉണ്ടായിരിക്കും. ഫോൺ: 7406472773.
🔘 സംഘമിത്ര
ജാലഹള്ളി അയ്യപ്പക്ഷേത്രത്തിന് സമീപത്തെ മുഖ്യകാര്യാലയത്തിൽ നാളെ രാവിലെ 9ന് പ്രസിഡന്റ് ആർ.ആർ.രവി വിളക്ക് തെളിയിക്കും. മോഹൻ നാരായണ മേനോൻ മുഖ്യപ്രഭാഷണം നടത്തും. വനിതാ വിഭാഗം ഭഗിനിയുടെ നേതൃത്വത്തിൽ രാമായണ പാരായണം ഉണ്ടായിരിക്കും. തുടർന്നുള്ള ദിവസങ്ങളിൽ വീടുകളിലും ഞായറാഴ്ചകളിൽ സമ്പൂർണ രാമായണ യജ്ഞങ്ങളും നടത്തും. സമാപന ദിനമായ ഓഗസ്റ്റ് 16ന് രാമായണോത്സവം നടത്തുമെന്ന് കൃഷ്ണകുമാർ കടമ്പൂർ അറിയിച്ചു. ഫോൺ: 9986984457, 9449435413.
SUMMARY: Ramayana Month begins tomorrow
