കൊച്ചി: മെട്രോ പില്ലറില് ഒരാഴ്ചയായി കുടുങ്ങിക്കിടക്കുന്ന പൂച്ചയെ രക്ഷപ്പെടുത്താന് ശ്രമങ്ങള് പുരോഗമിക്കുന്നു. പൂച്ചയെ താഴെ എത്തിക്കുന്നതിനായി കൊച്ചി മെട്രോ സർവീസ് നിർത്തിവെച്ചു. ഫയര്ഫഫോഴ്സ് സംഘവും അനിമല് റെസ്ക്യു സംഘവും സ്ഥലത്തെത്തിയിട്ടുണ്ട്. 385-ാം പില്ലറിന് സമീപത്ത് ആദ്യം പരിശോധന നടത്തിയെങ്കിലും പൂച്ചയെ കണ്ടെത്താന് കഴിഞ്ഞിരുന്നില്ല.
മെട്രോ സര്വീസുകള് അവസാനിച്ച ശേഷം രാത്രിയില് വൈദ്യുതി ലൈന് ഓഫ് ചെയ്ത് പൂച്ചയെ രക്ഷിക്കാനായിരുന്നു ആദ്യം തീരുമാനിച്ചിരുന്നത്. എന്നാല് അവശനിലയിലുള്ള പൂച്ചയുടെ ദൃശ്യങ്ങള് പുറത്തുവന്നതോടെ രക്ഷാപ്രവര്ത്തനം ഉടന് നടത്തണമെന്ന് ആവശ്യം ശക്തമാവുകയായിരുന്നു. ഇതിന് പിന്നാലെയാണ് മെട്രോ സർവീസ് നിർത്തിവെച്ച് പൂച്ചയെ രക്ഷിക്കാൻ തീരുമാനമായത്.
പില്ലറിന് മുകളില് ഒരു മൂലയില് തളർന്നുകിടക്കുന്ന പൂച്ചയുടെ ദൃശ്യങ്ങള് ഇന്ന് രാവിലെയാണ് പുറത്തുവന്നത്. ഹൈഡ്രോളിക് ലിഫ്റ്റ് ഉപയോഗിച്ചാണ് രക്ഷാ പ്രവർത്തനം നടത്തുന്നത്. മെട്രോ സർവീസ് താല്ക്കാലികമായി നിർത്തിവച്ച് ഇലക്ട്രിക് ലൈൻ ഓഫ് ചെയ്ത ശേഷം പൂച്ചയെ രക്ഷിക്കാനാണ് ശ്രമം.
SUMMARY: Rescue team joins hands to bring down cat stuck in pillar; Metro service to be suspended
