ശക്തമായ മഴയ്ക്ക് സാധ്യത; കർണാടകയിലെ വിവിധയിടങ്ങളിൽ യെല്ലോ അലർട്ട്

ബെംഗളൂരു: സംസ്ഥാനത്തെ വിവിധ ജില്ലകളിൽ അടുത്ത നാല് ദിവസത്തേക്ക് ശക്തമായ മഴ പെയ്യുമെന്ന് കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. ബെംഗളൂരു ഉൾപ്പെടെയുള്ള തെക്കൻ ഉൾനാടൻ കർണാടക ജില്ലകളിലെ ഒറ്റപ്പെട്ട പ്രദേശങ്ങളിലും ഇടിമിന്നലോട് കൂടിയ മഴയ്ക്ക് സാധ്യതയുണ്ട്. ബെംഗളൂരു അർബൻ, റൂറൽ ജില്ലകളിലും, തീരദേശ കർണാടക ജില്ലകളിലും ഏപ്രിൽ 25 വരെ യെല്ലോ അലർട്ട് പുറപ്പെടുവിച്ചിട്ടുണ്ട്.

തിങ്കളാഴ്ച വരെ സംസ്ഥാനത്ത് രേഖപ്പെടുത്തിയ ശരാശരി മഴ സാധാരണയേക്കാൾ ഇരട്ടിയാണെന്നും, വരും ദിവസങ്ങളിൽ ഇതേ സാഹചര്യം തുടരുമെന്നും ഐഎംഡി അറിയിച്ചു. കലബുർഗി, ബീദർ, യാദ്ഗിർ തുടങ്ങിയ വടക്കൻ കർണാടക ജില്ലകളിൽ പരമാവധി താപനില 41 ഡിഗ്രിക്ക് മുകളിലായിരുന്നു. സംസ്ഥാന പ്രകൃതി ദുരന്ത നിരീക്ഷണ സെൽ പ്രകാരം ബെംഗളൂരുവിൽ ഇതുവരെ മൊത്തത്തിൽ 40 മില്ലീമീറ്റർ മഴ ലഭിച്ചു. തീരദേശ മേഖലയിൽ 130 ശതമാനം അധിക മഴ രേഖപ്പെടുത്തി.

TAGS: KARNATAKA | RAIN
SUMMARY: State to recieve heavy rainfall for coming days