ബെംഗളൂരു: 35 ലക്ഷം രൂപ വിലവരുന്ന ഹൈഡ്രോപോണിക് കഞ്ചാവുമായി മംഗളൂരുവില്‍ വിദ്യാര്‍ഥിനി അറസ്റ്റില്‍. ശിവമൊഗ്ഗ സ്വദേശിയും കുന്ദാപുരയിലെ സ്വകാര്യ കോളജില്‍ അവസാന വര്‍ഷ ബിസിഎ വിദ്യാര്‍ഥിനിയുമായ സുഹാനയാണ് (21) പിടിയിലായത്. പനമ്പൂര്‍ എസിപി സംഘവും മുല്‍ക്കി പോലീസും നടത്തിയ പരിശോധനയില്‍ മുള്‍ക്കി റെയില്‍വേ സ്റ്റേഷന് റോഡില്‍നിന്നാണ് സുഹാനയെ പിടികൂടിയത്. പരിശോധനയില്‍, ഏകദേശം 1 കിലോ 42 ഗ്രാം ഹൈഡ്രോ വീഡ് കഞ്ചാവ്, ഒരു മൊബൈല്‍ ഫോണ്‍, കേസുമായി ബന്ധപ്പെട്ട മറ്റ് വസ്തുക്കള്‍ എന്നിവ പോലീസ് ഉദ്യോഗസ്ഥര്‍ പിടിച്ചെടുത്തു.
ചെന്നൈയില്‍ നിന്നാണ് സുഹാന വീര്യം കൂടിയ കഞ്ചാവ് വാങ്ങിയതെന്നു പോലീസ് പറഞ്ഞു. എന്‍ഡിപിഎസ് ആക്ടിലെ സെക്ഷന്‍ 8 (സി), 22 (സി) എന്നിവ പ്രകാരം മുല്‍ക്കി പോലീസ് കേസ് എടുത്തു. സുഹാന നിലവില്‍ മയക്കുമരുന്നുമായി ബന്ധപ്പെട്ട രണ്ട് കേസുകളില്‍ അന്വേഷണം നേരിടുന്നുണ്ടെന്ന് പോലീസ് പറഞ്ഞു.
SUMMARY: Student arrested with hydroponic cannabis worth Rs 35 lakh
