ബെംഗളൂരു: യുവാക്കളില് മൂല്യാധിഷ്ഠിത ജീവിതക്രമം രൂപപ്പെടുത്തുക എന്ന ലക്ഷ്യത്തോടെ ആന്റിഡോട്ട് ഫൗണ്ടേഷന് ഓഫ് ഇന്ത്യയും ഹോപ്പ് സൊസൈറ്റിയും സംയുക്തമായി നടത്തിയ ദ്വിദിന സഹവാസ ക്യാമ്പ് ശ്രദ്ധേയമായി. സുമനഹള്ളി ഹോപ്പ് സൊസൈറ്റിയില് നടന്ന ക്യാമ്പില് 25 വയസ്സില് താഴെയുള്ള 20 അംഗങ്ങള് പങ്കെടുത്തു,
ആനുകാലിക സാമൂഹ്യ വിദ്യാഭ്യാസ കുടുംബ സാഹചര്യങ്ങളെക്കുറിച്ച് യുവജനങ്ങള് നടത്തിയ ചര്ച്ചകളും, കണ്ടെത്തലുകളും, നിര്ദ്ദേശങ്ങളും വേറിട്ട അനുഭവമായി. പതിവ് ക്ലാസ്സുകളില് നിന്നും വ്യത്യസ്തമായി യുവാക്കള് നേതൃത്വം കൊടുത്തു നടത്തിയ തുറന്ന ചര്ച്ചകളും, അഭിപ്രായങ്ങളും, സാമൂഹിക രംഗത്തും, ചിന്താഗതിയിലും മുതിര്ന്നവര് കൈക്കൊള്ളുന്ന മനോഭാവങ്ങളില് മാറ്റം വരുത്തേണ്ടതിലേക്കു വിരല് ചൂണ്ടുന്നതായിരുന്നു. പുതുതലമുറയെ സമൂഹ നിര്മിതിയില് ചേര്ത്ത് നിര്ത്തുവാന് കാണിക്കുന്ന വൈമുഖ്യത്തെ ക്യാമ്പ് വിലയിരുത്തി.
ഹോപ്പ് സൊസൈറ്റി അന്തേവാസികള്ക്കൊപ്പം അവരിലൊരാളായിക്കൊണ്ടു സമയം ചിലവഴിക്കാനായതും മെട്രോപൊളിറ്റന് നഗരത്തില് ജീവിക്കുന്ന വിവിധ സംസ്ഥാനങ്ങളില് വേരുള്ള ജെന് സെഡ് കുട്ടികളില് പലര്ക്കും ജീവിതത്തിലെ ആദ്യാനുഭവമായിരുന്നു. കുഷ്ഠരോഗത്തിന്റെ പിടിയില്പെട്ട് കൃത്യസമയത്ത് ചികിത്സ ലഭിക്കാഞ്ഞതിന്റെ പേരില് അംഗവൈകല്യം സംഭവിച്ചവരും, എച്ച്.ഐവി രോഗത്തിന്റെ ഇരകളായവരും നട്ടെല്ലിന് രോഗം ബാധിച്ച് വീല് ചെയറില് ജീവിതം തളച്ചിടപ്പെട്ട നിസ്സഹായരായവടൊപ്പവും ക്യാമ്പ് അംഗങ്ങള് ഏറെ നേരം ചിലവഴിച്ചു. രാത്രി ക്യാമ്പ് ഫയറും അന്താക്ഷരി മത്സരം എന്നിവ ഉണ്ടായിരുന്നു.
ആന്റി ഡോട്ട് ഫൗണ്ടേഷന് ഓഫ് ഇന്ത്യ ചെയര്മാന് പി എ ഐസക് ക്യാമ്പ് ഉദ്ഘാടനം ചെയ്തു. ദേശീയ പ്രസിഡന്റ് ബിനു ദിവാകരന് അധ്യക്ഷത വഹിച്ചു. ട്രഷറര് ജോജു വര്ഗീസ്, ജോയിന്റ് സെക്രട്ടറി ജോര്ജ്ജ് ജേക്കബ്, ഷൈന് അറക്കല്, പ്രഭാകരന്, ഗോപകുമാര് ഐആര്എസ്, ആര്വി ആചാരി, അനില്,മെഹ്റൂഫ്, സജിത്ത്, സോഫിയ, ബിന്ദു സജിത്ത് എന്നിവര് സംസാരിച്ചു. ഹോപ്പ് സൊസൈറ്റി ഡയറക്ടര് ഫാ. ജോര്ജ് കണ്ണന്താനം സ്വാഗതം പറഞ്ഞു. സുമോജ് മാത്യു, അഡ്വ. പ്രമോദ് വരപ്രത്ത് എന്നിവര് നേതൃത്വം നല്കി. അഡ്വ . ബുഷ്റ വളപ്പില് നന്ദി പറഞ്ഞു. 15 മുതല് 25 വരെ പ്രായമുള്ളവരെ പങ്കെടുപ്പിച്ചുകൊണ്ടുള്ള തുടര് ക്യാമ്പുകള് ബെംഗളൂരുവിലെ വിവിധ സംഘടനകളുടെ സഹകരണത്തോടെ സംഘടിപ്പിക്കുമെന്ന് ക്യാമ്പ് കോഓര്ഡിനേറ്റര് ടോമി ജെ ആലുങ്കല് അറിയിച്ചു. ക്യാമ്പുകളുമായി സഹകരിക്കാന് താത്പര്യമുള്ളവര്ക്ക് ബന്ധപ്പെടാം: 9739200919
SUMMARY: Youth Empowerment camp
തിരുവനന്തപുരം: പേട്ടയിലെ റെയില്വേ ആശുപത്രി പരിസരത്ത് ഉപേക്ഷിക്കപ്പെട്ട നിലയില് വെടിയുണ്ടകള് കണ്ടെത്തി. ആശുപത്രിയിലെ ശുചിമുറിയിലാണ് വെടിയുണ്ടകള് കണ്ടെത്തിയത്. വിവരമറിഞ്ഞ ഉടന്…
തൃശൂർ: മുണ്ടത്തിക്കോട് വെടിക്കെട്ട് അപകടത്തില് പരുക്കേറ്റ് ചികിത്സയിലായിരുന്ന ഒരാള് കൂടി മരിച്ചു. മുതുതല കോഴിക്കോട്ടിരി കുളിക്കാം വളപ്പില് പ്രവീണ് (45)…
കണ്ണൂർ: ബിഡിഎസ് വിദ്യാർഥി നിതിൻ രാജിൻ്റെ മരണവുമായി ബന്ധപ്പെട്ട കേസില് അധ്യാപകർ നല്കിയ മുൻകൂർ ജാമ്യാപേക്ഷയില് വാദം കേള്ക്കുന്നത് നാളത്തേക്ക്…
തൃശൂർ: വാണിയംപാറയില് വീട്ടിലെ ശുചിമുറിയില് വച്ച് രണ്ടര വയസുകാരന് പാമ്പ് കടിയേറ്റു. കൊമ്പഴ മോളിയേക്കല് വീട്ടില് ശാന്തി പീറ്ററിന്റെ മകൻ…
ബെംഗളൂരു: കർണാടകയിലെ കുടക് സന്ദര്ശിക്കാനെത്തിയ അമേരിക്കൻ സ്വദേശിനിയായ വിനോദസഞ്ചാരിയെ ബലാത്സംഗം ചെയ്തതായി പരാതി. വാഷിങ്ടണിൽനിന്നുള്ള യുവതിയാണ് ക്രൂര ആക്രമണത്തിനു ഇരയായത്.…
തൃശൂർ: മുണ്ടത്തിക്കോട് ദുരന്തത്തില് മരിച്ചവരുടെ കുടുംബത്തിന് 14 ലക്ഷം രൂപ സംസ്ഥാന സർക്കാർ ധനസഹായം പ്രഖ്യാപിച്ചു. കേരള മുഖ്യമന്ത്രിയുടെ ദുരിതാശ്വാസനിധിയില്…