മുംബൈയിൽ കെട്ടിടത്തിന് തീപിടിച്ച് മൂന്നുപേർ മരിച്ചു

മുംബൈ: മുംബൈയിലെ ബഹുനില കെട്ടിടത്തിൽ ഉണ്ടായ തീപിടിത്തത്തിൽ മൂന്ന് പേർ മരിച്ചു. ലോഖണ്ഡ്‌വാല കോംപ്ലക്‌സിലെ 14 നിലകളുള്ള റിയ പാലസ് റെസിഡൻഷ്യൽ കെട്ടിടത്തിലാണ്  തീപിടിത്തമുണ്ടായത്. ചന്ദ്രപ്രകാശ് സോണി (74), കാന്ത സോണി (74), പെലുബെറ്റ (42) എന്നിവരാണ് മരിച്ചത്.

കെട്ടിടത്തിൻ്റെ പത്താം നിലയിൽ രാവിലെ എട്ട് മണിയോടെയാണ് തീപിടുത്തമുണ്ടായത്. ഗുരുതരമായി പരുക്കേറ്റ മൂന്നുപേരെ ആശുപത്രിയിൽ പ്രവേശിപ്പിച്ചെങ്കിലും മരണപ്പെടുകയായിരുന്നു.  തീപിടിത്തത്തിന്റെ കാരണം ഇതുവരെ വ്യക്തമല്ലെന്നും അന്വേഷിച്ചുകൊണ്ടിരിക്കുകയാണെന്നും പോലീസ് പറഞ്ഞു.

മുംബൈയിലെ ചെമ്പൂരിൽ ഈ മാസം ആദ്യത്തില്‍ റെസിഡൻഷ്യൽ കെട്ടിടത്തിലുണ്ടായ  തീപിടിത്തത്തിൽ ഏഴ് വയസ്സുകാരി ഉൾപ്പെടെ ഒരേ കുടുംബത്തിലെ ഏഴ് പേർ മരിച്ചിരുന്നു.
<BR>
TAGS : FIRE BREAKOUT | MUMBAI
SUMMARY : Major fire breaks out in residential building in Mumbai, 3 dead