ബെംഗളൂരു: ബെംഗളൂരുവിനെയും ഹൊസൂരിനെയും ബന്ധിപ്പിക്കുന്ന ഇലക്ട്രോണി സിറ്റി മേൽപ്പാലത്തിലെയും, അത്തിബല ഹൈവേയിലെയും ട്രോൾ നിരക്കുകൾ വർധിപ്പിച്ചു. 8.765 കിലോമീറ്റർ മുതൽ 18.750 കിലോമീറ്റർ വരെ (സെൻട്രൽ സിൽക്ക് ബോർഡ് ജംഗ്ഷൻ മുതൽ ഇലക്ട്രോണിക്സ് സിറ്റി വരെ) എലിവേറ്റഡ് സെക്ഷനിലും കർണാടക-തമിഴ്നാട് അതിർത്തി വരെയുള്ള അറ്റ്-ഗ്രേഡ് സെക്ഷനിലുമാണ് (33.130 കിലോമീറ്റർ) പുതുക്കിയ ടോൾ നിരക്കുകൾ പ്രാബല്യത്തില്‍ വരിക.
ഇലക്ട്രോണിക് സിറ്റി മേൽപ്പാലത്തിൽ കാറ്, ജീപ്പ്, വാൻ എന്നിവയ്ക്ക് 65 രൂപയും ഇരുവശങ്ങളിലേക്ക് 95 രൂപയും ആണ് ഈടാക്കുക. പ്രതിമാസ പാസ് 1885 രൂപക്ക് ലഭിക്കും. മൾട്ടി ആക്സിൽ വാഹനങ്ങൾക്ക് 350 രൂപയും, ഇരുദിശകളിലേക്കും ആയി 530 രൂപയുമാണ് നൽകേണ്ടി വരിക. മിനി ബസ്, ചെറു ചരക്ക് വാഹനങ്ങൾ എന്നിവയ്ക്ക് 90 രൂപയും ഇരുവശകളിലേക്ക് 130 രൂപയും ഈടാക്കും.
അത്തിബെലെ ഹൈവേയിൽ കാർ, ജീപ്പ്, വാൻ എന്നിവയ്ക്ക് 40 രൂപയും ഇരുവശങ്ങളിലേക്ക് 55 രൂപയും ഈടാക്കും. മിനി ബസ്, ചെറു ചരക്ക് വാഹനങ്ങൽ എന്നിവയ്ക്ക് 65 രൂപയും ഇരുവശങ്ങളിലേക്ക് 95 രൂപയും ഈടാക്കും. ജൂലൈ ഒന്നു മുതൽ 2026 ജൂൺ 30 വരെയാണ് നിരക്ക് വർധന എന്ന് ബെംഗളൂരു എലിവേറ്റഡ് ടോൾവേ പ്രൈവറ്റ് ലിമിറ്റഡ് അറിയിച്ചു.
SUMMARY: Toll rates on Electronic City Flyover and Attibele Highway increased
