കോട്ടയം: കോടിമത പാലത്തിന്റെ അപ്രോച്ച് റോഡില് അറ്റകുറ്റപ്പണികള് നടത്തുന്നതിനാല് ജൂലൈ 2ന് രാവിലെ 10 മുതല് ഒരാഴ്ചത്തേക്ക് കോടിമത പാലം വഴിയുള്ള ഗതാഗതത്തില് ജില്ലാ കലക്ടറുടെ നിർദേശപ്രകാരം നിയന്ത്രണം ഏർപ്പെടുത്തി. രാവിലെ 10.00 മണി മുതലാണ് നിയന്ത്രണങ്ങള് ആരംഭിക്കുന്നത്. പാലം വഴിയുള്ള ഗതാഗതം പൂർണ്ണമായും നിരോധിച്ചിരിക്കുന്നതിനാല് ഇതുവഴി കടന്നുപോകേണ്ട വാഹനങ്ങള്ക്കായി വിവിധ ബദല് പാതകള് പോലീസ് ക്രമീകരിച്ചിട്ടുണ്ട്.
പ്രധാന പാതയിലെ തടസ്സം കണക്കിലെടുത്ത് നഗരത്തിലേക്കുള്ള പ്രവേശനം പലയിടങ്ങളിലും വഴിതിരിച്ചുവിടും. ചങ്ങനാശേരി ഭാഗത്തുനിന്നും പുതുപ്പള്ളി, മണർകാട് ഭാഗത്തേക്ക് പോകേണ്ട എല്ലാ സ്വകാര്യ വാഹനങ്ങളും മണിപ്പുഴ ജംക്ഷനില് നിന്നും വലത്തേക്ക് തിരിഞ്ഞ് ദിവാൻ കവല, കടുവാക്കുളം, കൊല്ലാട് വഴി പോകേണ്ടതാണ്.
ചങ്ങനാശേരി ഭാഗത്തുനിന്നും കോട്ടയം ജില്ലാ ആശുപത്രി, കോട്ടയം മെഡിക്കല് കോളജ് തുടങ്ങി മറ്റ് ആശുപത്രികളിലേക്ക് പോകേണ്ട ആംബുലൻസുകളും മറ്റ് എമർജൻസി വാഹനങ്ങളും മണിപ്പുഴ ജംക്ഷനില് നില് നിന്നും വലത്തേക്ക് തിരിഞ്ഞ് ഈരയില് കടവ് ബൈപാസ് റോഡ് വഴി മനോരമ ജംക്ഷനില് എത്തി പോകേണ്ടതാണ്.
കോട്ടയം ടൗണില് നിന്നും ചങ്ങനാശേരി ഭാഗത്തേക്ക് പോകേണ്ട കെഎസ്ആർടിസി ബസുകള്, സ്വകാര്യ ബസുകള്, ടൂറിസ്റ്റ് ബസുകള് ഉള്പ്പെടെയുള്ള എല്ലാ വാഹനങ്ങളും കഞ്ഞിക്കുഴി ജംക്ഷനില് എത്തി കൊല്ലാട്, നാല്കവല, കടുവാക്കുളം ജംക്ഷനില് എത്തി ഇടത്തേക്ക് തിരിഞ്ഞ് പോകേണ്ടതാണ്.
തിരുവനന്തപുരം ഭാഗത്തുനിന്നും എറണാകുളം ഭാഗത്തേക്ക് പോകേണ്ട ചരക്ക് വാഹനങ്ങളും മറ്റ് സ്വകാര്യ വാഹനങ്ങളും ളായിക്കാട് ബൈപാസ് ജംക്ഷനില് നിന്നും വലത്തേക്ക് തിരിഞ്ഞ് റെയില്വേ ജംക്ഷനില് എത്തി വലത്തേക്ക് തിരിഞ്ഞ് തെങ്ങണ, പുതുപ്പള്ളി, മണർകാട് ബൈപാസ് വഴി ഏറ്റുമാനൂർ പട്ടിത്താനം എത്തി പോകേണ്ടതാണ്.
എറണാകുളം ഭാഗത്തുനിന്നും തിരുവനന്തപുരത്തേക്ക് പോകേണ്ട ചരക്ക് വാഹനങ്ങളും മറ്റ് സ്വകാര്യ വാഹനങ്ങളും പട്ടിത്താനം ജംക്ഷനില് നിന്നും ബൈപാസ് റോഡ് വഴി മണർകാട്, പുതുപ്പള്ളി വഴി തെങ്ങണയില് എത്തി യാത്ര തുടരേണ്ടതാണ.
SUMMARY: Traffic restrictions in Kottayam from tomorrow
