മലപ്പുറം: താനൂരില് ട്രാന്സ് ജെന്ഡര് വുമണ് കമീല ആത്മഹത്യ ചെയ്ത സംഭവത്തില് സുഹൃത്ത് അറസ്റ്റില്. കരിങ്കപ്പാറ സ്വദേശി തൗഫീഖ് (40) ആണ് അറസ്റ്റിലായത്. തൗഫീഖിന്റെ വീട്ടിലെ കാര്പോര്ച്ചില് തൂങ്ങി മരിച്ച നിലയിലായിരുന്നു കമീലയെ കണ്ടത്. തന്റെ മരണത്തിന് ഉത്തരവാദി തൗഫീഖ് ആണെന്ന് ഇന്സ്റ്റഗ്രാമില് പോസ്റ്റ് ഇട്ട ശേഷം ആയിരുന്നു ആത്മഹത്യ.
തൗഫീഖിന്റെ വീട്ടില്പോയി ആത്മഹത്യ ചെയ്യുമെന്നാണ് വീഡിയോയില് പറഞ്ഞിരുന്നത്. ഇതേ തുടര്ന്നാണ് ആത്മഹത്യാ പ്രേരണക്കുറ്റത്തിന് തൗഫീഖ് അറസ്റ്റിലായത്.
SUMMARY: Transgender woman commits suicide; friend arrested
