ബെംഗളൂരു: ഗതാഗത നിയമലംഘനം നടത്തിയതിന് ബെംഗളൂരുവിൽ 133 ബൈക്ക് ടാക്സികൾ ഗതാഗത വകുപ്പ് പിടിച്ചെടുത്തു. നഗരത്തിലുടനീളമുള്ള 29 ഇലക്ട്രിക് ബൈക്ക് ടാക്സികളും പിടിച്ചെടുത്തവയിൽ ഉൾപ്പെട്ടിട്ടുണ്ട്. അനധികൃതമായി പ്രവർത്തിക്കാൻ ബൈക്ക് ടാക്സികൾ പരിശോധിക്കാൻ നഗരത്തിലുടനീളം പ്രത്യേക സ്ക്വാഡുകൾ രൂപീകരിച്ചിരുന്നു. തുടർന്ന് വെള്ളിയാഴ്ച നടത്തിയ പ്രത്യേക ഡ്രൈവിലാണ് അനധികൃതമായി ഓടുന്ന 133 വാഹനങ്ങൾ പിടിച്ചെടുത്തത്.
ലൈസൻസില്ലാതെ ഓടുന്ന ബൈക്ക് ടാക്സികൾക്കെതിരെയും നടപടിയെടുക്കുമെന്ന് ഗതാഗത അഡീഷണൽ കമ്മീഷണർ (എൻഫോഴ്സ്മെൻ്റ്-സൗത്ത്) സി. മല്ലികാർജുന പറഞ്ഞു. ഇൻഷുറൻസ്, എമിഷൻ സർട്ടിഫിക്കറ്റുകൾ മുതലായവ ഇല്ലാത്തതുൾപ്പെടെയുള്ള നിയമങ്ങൾ ലംഘിച്ചതിനും കേസുകൾ ബുക്ക് ചെയ്തിട്ടുണ്ട്. ബൈക്ക് ടാക്സികൾക്കെതിരെ നടപടിയെടുക്കണമെന്നാവശ്യപ്പെട്ട് കഴിഞ്ഞ ദിവസം ഓട്ടോറിക്ഷ, ക്യാബ് ഡ്രൈവർമാർ ശാന്തി നഗറിലുള്ള ഗതാഗത വകുപ്പ് ഹെഡ് ഓഫീസ് ഉപരോധിക്കുകയും പ്രതിഷേധം നടത്തുകയും ചെയ്തതിനെ തുടർന്നാണ് നടപടി.
TAGS: BENGALURU UPDATES | BIKE TAXI
SUMMARY: Karnataka transport department seizes 133 bike taxis in Bengaluru
WhatsApp
Telegram
