തിരുവനന്തപുരം: മുൻ മന്ത്രി വി.എസ്. സുനില് കുമാറിനെ സിപിഐ സംസ്ഥാന എക്സിക്യൂട്ടീവില് ഉള്പ്പെടുത്തും. സുനില് കുമാറിനെ ഉള്പ്പെടുത്താൻ നേതൃതലത്തില് ധാരണയായി. സംസ്ഥാന എക്സിക്യൂട്ടീവിൻ്റെ അംഗ സംഖ്യ വർധിപ്പിക്കും. 21 അംഗ എക്സിക്യൂട്ടിവാണ് സംസ്ഥാനത്ത് നിലവിലുളളത്.
ആർ.ലതാദേവി, കെ.എം. ദിനകരൻ , ടി.ടി. ജിസ്മോൻ എന്നിവർ എക്സിക്യൂട്ടീവില് എത്തും. സ്ഥാനമൊഴിഞ്ഞ ജില്ലാ സെക്രട്ടറിമാരായ കെ.പി. സുരേഷ് രാജ്, കെ.കെ. വത്സരാജ്, ടി ജെ ആഞ്ചലോസ് എന്നിവരും എക്സിക്യൂട്ടീവില് അംഗമാകും. അസിസ്റ്റൻറ് സെക്രട്ടറിയായി പി.പി. സുനീർ തുടരും.
രണ്ടാമത്തെ അസിസ്റ്റൻ്റ് സെക്രട്ടറിയായി ആർ. രാജേന്ദ്രൻ, മുല്ലക്കര രത്നാകരൻ, കെ. രാജൻ ടി.ജെ.ആഞ്ചലോസ് എന്നിവരും പരിഗണനയിലുണ്ട്. ആലപ്പുഴയില് വെച്ചുനടന്ന സിപിഐയുടെ സംസ്ഥാന സമ്മേളനത്തില് സെക്രട്ടറിയേയും സംസ്ഥാന കൗണ്സിലിനെയുമായിരുന്നു തിരഞ്ഞെടുത്തിരുന്നത്.
SUMMARY: V.S. Sunil Kumar to CPI State Executive
