ലാഹോർ: ഖമനയിയുടെ വധത്തിന് പിന്നാലെ പാകിസ്ഥാനിൽ സംഘർഷം രൂക്ഷമാകുന്നു. മരണസംഖ്യ 22 ആയി, 200 ലധികം പേർക്ക് പരുക്കേറ്റു. ഖമനയിയുടെ ചിത്രങ്ങളുമായി ഇറങ്ങിയ ജനക്കൂട്ടം യുഎസ്, യുഎൻ ഓഫീസുകൾ ആക്രമിച്ചു. ലാഹോർ ഉൾപ്പെടെ പല നഗരങ്ങളിലും സംഘർഷം തുടരുകയാണ്. കറാച്ചിയിൽ വലിയ പ്രതിഷേധങ്ങൾ നടക്കുന്നതിന്റെ ദൃശ്യങ്ങളും ഇപ്പോൾ പുറത്തു വന്നിട്ടുണ്ട്.
ഇന്നലെ യുഎസ് കോൺസുലേറ്റിനെതിരെ ആക്രമണം നടത്തിയവർക്കെതിരെ കോൺസുലേറ്റിന് ഉള്ളിലുണ്ടായിരുന്ന സുരക്ഷാഭടൻമാർ വെടിയുതിർത്തിരുന്നു.അന്താരാഷ്ട്ര വാര്ത്താ ഏജന്സികള് നല്കുന്ന വിവരം അനുസരിച്ച് 22 പേര് കൊല്ലപ്പെട്ടു എന്ന വിവരമാണ് പുറത്തുവരുന്നത്.
32 മരണമെന്ന് പ്രാദേശിക മാധ്യമങ്ങള് റിപ്പോര്ട്ട് ചെയ്തിരുന്നു. യുഎസ് കോണ്സുലേറ്റിലേക്ക് ബാരിക്കേഡുകള് തകര്ത്ത് കയറിയ പ്രതിഷേധക്കാര് ജനാലകള് അടിച്ചു തകര്ക്കുകയും കല്ലേറ് നടത്തുകയും ചെയ്തിരുന്നു. കറാച്ചി വലിയ സംഘര്ഷത്തിലേക്ക് നീങ്ങുന്ന കാഴ്ചയാണ് പുറത്തുവരുന്നത്.
SUMMARY: Violence continues in Pakistan after Khamenei’s assassination; death toll rises to 22
