ഷാര്ജ: ഷാര്ജയില് മരിച്ച വിപഞ്ചികയുടെ മൃതദേഹം നാളെ നാട്ടിലെത്തിക്കും. എമ്പാമിംഗ് നാളെ രാവിലെ 10ന് ഷാര്ജയില് നടക്കും. മൃതദേഹം നാളെ വൈകിട്ട് 5.40നുള്ള വിമാനത്തില് നാട്ടിലേക്ക് കൊണ്ടുവരും.
കുറച്ച് ദിവസങ്ങള്ക്ക് മുമ്പാണ് കൊല്ലം കേരളപുരം സ്വദേശി വിപഞ്ചികയെയും കുഞ്ഞിനെയും ഷാര്ജയിലെ അല് നഹ്ദയില് മരിച്ച നിലയില് കണ്ടെത്തിയത്. വിപഞ്ചികയുടെ മരണത്തില് ഭര്ത്താവ് നിതീഷിനും കുടുംബത്തിനുമെതിരെ വിപഞ്ചികയുടെ മാതാവ് ഷൈലജയും കുടുംബവും ആരോപണം ഉന്നയിച്ചിരുന്നു. സ്വകാര്യ കമ്പനിയിലെ എച്ച്ആര് വിഭാഗത്തിലാണ് വിപഞ്ചിക ജോലി ചെയ്തിരുന്നത്. നിതീഷും ഷാര്ജയിലാണ്.
വിപഞ്ചികയുടെ മകള് വൈഭവിയുടെ മൃതദേഹം ഷാര്ജയിലാണ് സംസ്കരിച്ചത്. ജബല് അലിയിലെ ന്യൂ സോനാപൂര് ശ്മശാനത്തിലായിരുന്നു സംസ്കാര ചടങ്ങുകള് നടന്നത്. രണ്ട് കുടുംബങ്ങളും സംസ്കാര ചടങ്ങില് പങ്കെടുത്തിരുന്നു. ഹൈന്ദവ ആചാരപ്രകാരമുള്ള സംസ്കാരമാണ് നടന്നത്. തനിക്ക് യാത്രാ വിലക്കുള്ളതിനാല് വൈഭവിയുടെ മൃതദേഹം യുഎഇയില് സംസ്കരിക്കണമെന്നത് വിപഞ്ചികയുടെ ഭര്ത്താവ് നിതീഷിന്റെ ആവശ്യമായിരുന്നു. ഇന്ത്യന് കോണ്സുലേറ്റ് കുടുംബവുമായി നടത്തിയ ചര്ച്ചയിലാണ് വിപഞ്ചികയുടെ മൃതദേഹം നാട്ടിലേക്കെത്തിക്കാനും മകള് വൈഭവിയുടെ മൃതദേഹം യുഎഇയില് തന്നെ സംസ്കരിക്കാനും തീരുമാനമായത്.
SUMMARY: Vipanchika’s body will be brought home tomorrow
WhatsApp
Telegram
