കബ്ബൺ പാർക്കിൽ നിയമങ്ങൾ പാലിച്ചില്ലെങ്കിൽ പിഴ ചുമത്തും

ബെംഗളൂരു: കബ്ബൺ പാർക്കിൽ നിയമങ്ങൾ പാലിച്ചില്ലെങ്കിൽ പിഴ ചുമത്താനൊരുങ്ങി ഹോർട്ടിക്കൾച്ചർ വകുപ്പ്. പാർക്കിലെ പരിസ്ഥിതി മലിനീകരണം തടയുന്നതിനായാണ് നടപടി. സൈക്കിളുകൾ, കാറുകൾ, ആംബുലൻസുകൾ എന്നിവ മാത്രമേ പാർക്കിനുള്ളിൽ അനുവദിക്കുള്ളു. ഇത്തരത്തിലൊരു നിയമം ഉണ്ടെങ്കിലും, പലരും ഇപ്പോഴും ഓട്ടോകൾ, ലോറികൾ, ബസുകൾ എന്നിവ പാർക്ക് റോഡിലൂടെ കൊണ്ടുവരുന്നുണ്ട്. സന്ദർശകർക്ക് നിയമങ്ങൾ മനസിലാക്കുന്നതിനായി പാർക്കിന്റെ എല്ലാ ഗേറ്റുകളിലും ബോർഡുകൾ സ്ഥാപിച്ചിട്ടുണ്ട്.

നിയമങ്ങൾ പാലിക്കാത്തവർക്ക് ഹോർട്ടികൾച്ചർ വകുപ്പ് 500 രൂപ പിഴ ചുമത്തും. കൂടാതെ, പ്ലാസ്റ്റിക് ബാഗുകൾ, വെള്ളക്കുപ്പികൾ, ഭക്ഷണാവശിഷ്ടങ്ങൾ എന്നിവ വലിച്ചെറിഞ്ഞ് പാർക്കിന്റെ അലങ്കോലമാക്കുന്ന സന്ദർശകർക്കും പിഴ ചുമത്തുന്നുണ്ട്. പാർക്കിന്റെ ശുചിത്വം നിലനിർത്തുന്നതിനായാണ് ഇതെന്ന ഹോർട്ടികൾച്ചർ വകുപ്പ് ഡെപ്യൂട്ടി ഡയറക്ടർ കുസുമ ജി. പറഞ്ഞു.

TAGS: CUBBON PARK
SUMMARY: Rs 500 fine for not following rules in Cubbon Park