ബെംഗളൂരു: ബിബിഎംപി മാലിന്യ ലോറിയിൽ അജ്ഞാതയായ സ്ത്രീയുടെ മൃതദേഹം കൈയ്യും കാലും കെട്ടിയ നിലയിൽ കണ്ടെത്തി. ബനശങ്കരിയിലെ ചെന്നമ്മനകെരെ അച്ചുകാട്ട് മൈതാനത്തിനു സമീപം നിർത്തിയിട്ടിരുന്ന ലോറിയിലാണ് മൃതദേഹം കണ്ടെത്തിയത്. മാലിന്യം നിക്ഷേപിക്കാനെത്തിയ ഐടി ജീവനക്കാരൻ ചാക്കിന്റെ ആകൃതിയിൽ സംശയം തോന്നി പോലീസിനെ വിവരം അറിയിക്കുകയായിരുന്നു.
30-35 വയസ്സ് പ്രായം തോന്നിക്കുന്ന സ്ത്രീയാണ് മരിച്ചത്. ശനിയാഴ്ച രാത്രിയാണ് മൃതദേഹം തള്ളിയതെന്നാണ് സൂചന. ഓട്ടോറിക്ഷയിലെത്തിയ ആളാണ് മൃതദേഹം എത്തിച്ചതെന്നാണ് സിസിടിവി ദൃശ്യങ്ങൾ പരിശോധിച്ചതിന്റെ അടിസ്ഥാനത്തിൽ പൊലീസ് നൽകുന്ന സൂചന. എല്ലാ ദിവസവും ഇതേ സ്ഥലത്ത് ലോറി നിർത്തിയിടുകയാണ് ചെയ്യുന്നത്. അതിനാൽ സ്ഥലത്തെക്കുറിച്ച് കൃത്യമായ അറിവുള്ളയാളാണ് മൃതദേഹം എത്തിച്ചതെന്നും പൊലീസ് ചൂണ്ടിക്കാട്ടുന്നു.
SUMMARY: Women’s body found in garbage truck.
