ഓണ്‍ലൈന്‍ ഭക്ഷണ വിതരണ രംഗത്തേക്ക് പ്രവേശിച്ച് ടാറ്റ ഗ്രൂപ്പ്. ടാറ്റ ന്യൂ എന്ന ആപ്പിലൂടെ കേന്ദ്ര സര്‍ക്കാരിന്റെ ഇ-കൊമേഴ്സ് പ്ലാറ്റ്‌ഫോമായ ഒഎന്‍ഡിസി വഴിയാണ് ഭക്ഷണ വിതരണം. ഡല്‍ഹി, ബെംഗളൂരു എന്നിവിടങ്ങളിലാണ് നിലവില്‍ സേവനം ലഭ്യമാകുക.
മേയ് പകുതിയോടെ ഇന്ത്യയിലുടനീളം ടാറ്റ ന്യൂ എത്തുമെന്നാണ് വിവരം. വിതരണം ഒഎന്‍ഡിസി വഴിയായതിനാൽ ഭക്ഷണത്തിനും വില താരതമ്യേന കുറവായിരിക്കും. നിലവിൽ ഇലക്ട്രോണിക്സ്, ഫാഷന്‍, പലചരക്ക്, മരുന്നുകള്‍, തുടങ്ങിയ മേഖലകളിൽ ടാറ്റ ന്യൂ സജീവമാണ്. 2022 ഏപ്രില്‍ 7ന് ആരംഭിച്ച് ടാറ്റ ന്യൂ ആരംഭിച്ചത്. ക്ഷണ വിതരണ രംഗത്തേക്ക് ചുവടുവെക്കുന്നതോടെ കൂടുതൽ ഉപയോക്തക്കൾ ആപ്പിൽ എത്തുമെന്നാണ് ടാറ്റ ഗ്രൂപ്പ് കണക്കുകൂട്ടുന്നത്.
നിലവില്‍ രാജ്യത്തെ ഓണ്‍ലൈന്‍ ഭക്ഷണ വിതരണ മേഖലയില്‍ 95 ശതമാനത്തിലേറെ വിഹിതം സൊമാറ്റോയുടെയും സ്വിഗ്ഗിയുടെയും കൈവശമാണ്. ചെറു സംരംഭകര്‍ക്കും കച്ചവടക്കാര്‍ക്കും അവരുടെ ഉത്പന്നങ്ങള്‍ ഉപയോക്താക്കളിലേക്ക് എത്തിക്കാന്‍ കേന്ദ്രസർക്കാർ അവതരിപ്പിച്ച പ്ലാറ്റ്ഫോമാണ് ഒഎൻഡിസി. കേന്ദ്രത്തിന്റെ വാണിജ്യ- വ്യവസായ മന്ത്രാലയത്തിന്റെ കീഴിലാണ് പ്ലാറ്റ്ഫോം പ്രവർത്തിക്കുന്നത്.
The post ഓൺലൈൻ ഫുഡ് ഡെലിവറിയിലേക്ക് പ്രവേശിച്ച് ടാറ്റ ഗ്രൂപ്പ് appeared first on News Bengaluru.
Powered by WPeMatico
WhatsApp
Telegram
