കോട്ടയം: കുമരകം-ചേർത്തല റൂട്ടിൽ കൈപ്പുഴമുട്ട് പാലത്തിന് താഴെ കാർ ആറ്റിലേക്ക് വീണ് 2 പേർക്ക് ദാരുണാന്ത്യം. മഹാരാഷ്ട്രയിലെ താനെയിൽ സ്ഥിരതാമസക്കാരനായ മലയാളി കൊട്ടാരക്കര ഓടനാവട്ടം സ്വദേശി ജയിംസ് ജോർജ് (48), ബദ്‌ലാപൂർ സ്വദേശിനിയായ സായ്‌ലി രാജേന്ദ്ര സർജെ (27) എന്നിവരാണ് മരിച്ചത്. താനെയിൽ നിന്ന് അവധിയാഘോഷിക്കാനാണ് ഇരുവരുമെത്തിയത്.
തിങ്കളാഴ്ച രാത്രി 8.45 ഓടെ ആര്‍പ്പുക്കര കൈപ്പുഴമുട്ടിലാണ് സംഭവം. കോട്ടയം ഭാഗത്തുനിന്നും വന്ന കാര്‍ കൈപ്പുഴമുട്ട് പാലത്തിന്റെ ഇടതുവശത്തെ സര്‍വീസ് റോഡ് വഴിവന്ന് നേരെ ആറ്റില്‍ വീഴുകയായിരുന്നു. നിലവിളി കേട്ട് ജനങ്ങള്‍ ഓടിയെത്തിയപ്പോഴേക്കും കാര്‍ വെള്ളത്തില്‍ മുങ്ങിത്താണിരുന്നു. പിന്നീട് കാര്‍ കണ്ടെത്തി കരയ്‌ക്കെത്തിച്ച് ചില്ലുപൊട്ടിച്ച് ഇരുവരെയും പുറത്തെടുത്ത് കോട്ടയം മെഡിക്കല്‍ കോളേജിലെത്തിച്ചെങ്കിലും മരണം സംഭവിക്കുകയായിരുന്നു. വാടകയ്‌ക്കെടുത്ത കാറാണ് അപകടത്തില്‍പ്പെട്ടതെന്നും ഗൂഗിള്‍ മാപ്പ് നോക്കിയെത്തി അപകടത്തില്‍പ്പെട്ടതാവാമെന്നും പോലീസ് പറഞ്ഞു.
<br>
TAGS : CAR ACCIDENT
SUMMARY : 2 killed in car accident in Kumarakam
WhatsApp
Telegram
