ഉത്തരാഖണ്ഡില്‍ നടക്കുന്ന ദേശീയ ഗെയിംസില്‍ മൂന്നാം സ്വർണം സ്വന്തമാക്കി കേരളം. ചൈനീസ് ആയോധന കലയായ വുഷുവില്‍ മുഹമ്മദ് ജസീലാണ് സ്വർണം നേടിയത്. താവോലു വിഭാഗത്തിലാണ് സ്വർണ നേട്ടം. ഇതോടെ ദേശീയ ഗെയിംസിലെ കേരളത്തിന്റെ മെഡല്‍ നേട്ടം ഏഴായി. മൂന്ന് സ്വർണം, ഒരു വെള്ളി, മൂന്ന് വെങ്കലം എന്നിങ്ങനെയാണ് കേരളത്തിന്റെ മെഡല്‍ നേട്ടം.
അതേസമയം, നീന്തലില്‍ കേരളത്തിന്റെ മെഡല്‍ പ്രതീക്ഷ ഉയർത്തി സജൻ പ്രകാശ് വീണ്ടും ഫൈനലില്‍ കടന്നു. 200 മീറ്റർ ബട്ടർഫ്ലൈ സ്ട്രോക്കിലാണ് സജൻ ഫൈനലില്‍ കടന്നത്. വനിതാ വിഭാഗം 50 മീറ്റർ ബ്രെസ്റ്റ് സ്ട്രോക്കില്‍ ഹർഷിത ജയറാമും ഫൈനലില്‍ പ്രവേശിച്ചു. രണ്ട് ഫൈനലുകളും ഇന്നു നടക്കും.
TAGS : NATIONAL GAMES
SUMMARY : National Games; Third gold for Kerala
WhatsApp
Telegram
