ബെംഗളൂരു വിമാനത്താവളം വഴി കടത്താൻ ശ്രമിച്ച സ്വർണം പിടികൂടി

ബെംഗളൂരു: ബെംഗളൂരു കെംപെഗൗഡ രാജ്യാന്തര വിമാനത്താവളം വഴി കടത്താൻ ശ്രമിച്ച 1273.12 ഗ്രാം സ്വർണം പിടികൂടി. ബാങ്കോക്കിൽ നിന്ന് 6ഇ-1056 വിമാനത്തിൽ ബെംഗളൂരുവിൽ എത്തിയ മുഹമ്മദ് സൈനുലാബ്ദീൻ എന്ന യാത്രക്കാരനെ സംഭവത്തിൽ കസ്റ്റംസ് അറസ്റ്റ് ചെയ്തു. പിടിച്ചെടുത്ത സ്വർണത്തിന്റെ മൂല്യം 87,90,894 രൂപയാണെന്ന് കസ്റ്റംസ് ഉദ്യോഗസ്ഥർ അറിയിച്ചു.

രഹസ്യ വിവരത്തിന്റെ അടിസ്ഥാനത്തിലാണ് ഉദ്യോഗസ്ഥർ യാത്രക്കാരനെ പരിശോധനയ്ക്ക് വിധേയമാക്കിയത്. തുടർന്ന് പ്രിൻ്ററിൻ്റെ ഉള്ളിൽ ഒളിപ്പിച്ച നിലയിൽ സ്വർണം കണ്ടെത്തുകയായിരുന്നു. കഴിഞ്ഞ ദിവസമാണ് വിമാനത്തിൽ ഉപേക്ഷിച്ച നിലയിൽ ഒമ്പത് കിലോ സ്വർണം കസ്റ്റംസ് പിടികൂടിയത്. ഈ കേസുമായി ഇയാൾക്ക് ബന്ധമുണ്ടോയെന്ന് പരിശോധിച്ച് വരികയാണെന്ന് കസ്റ്റംസ് ഉദ്യോഗസ്ഥർ പറഞ്ഞു.

TAGS: BENGALURU UPDATES
KEYWORDS: Gold trying to smuggle through airport seized