മംഗളൂരു ജയിലിൽ വിചാരണത്തടവുകാരനെ മരിച്ച നിലയിൽ കണ്ടെത്തി

ബെംഗളൂരു: മംഗളൂരു സബ് ജയിലിൽ വിചാരണത്തടവുകാരനെ മരിച്ച നിലയിൽ കണ്ടെത്തി. മൂഡ്ബിദ്രിയിലെ ഹഡ്കോ കോളനി നിവാസിയായ പ്രകാശ് ഗോപാൽ മൂല്യയാണ് (43) മരിച്ചത്. ഞായറാഴ്ച പുലർച്ചെ 4 മണിയോടെയാണ് ഇയാളെ മരിച്ച നിലയിൽ കണ്ടത്. മൂഡ്ബിദ്രി പോലീസ് സ്റ്റേഷനിൽ രജിസ്റ്റർ ചെയ്ത പോക്സോ കേസിൽ അറസ്റ്റിലായി ജുഡീഷ്യൽ കസ്റ്റഡിയിൽ കഴിയുകയായിരുന്നു ഗോപാൽ.

ആത്മഹത്യയാണെന്നാണ് പോലീസിന്റെ പ്രാഥമിക നിഗമനം. ജയിൽ ബാരക്ക് ബിയിലെ സെല്ലിനുള്ളിലെ ശുചിമുറിയുടെ ജനൽ ഗ്രില്ലിൽ തൂങ്ങിമരിച്ച നിലയിലാണ് ഗോപാലിനെ കണ്ടതെന്ന് പോലീസ് പറഞ്ഞു. ജയിൽ ജീവനക്കാർ ഉടൻ തന്നെ ഇയാളെ സർക്കാർ വെൻലോക്ക് ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല. സംഭവത്തിൽ ബാർക്കെ പോലീസ് കേസെടുത്തു.

TAGS: KARNATAKA
SUMMARY: Undertrial prisoner found dead in Mangaluru Sub-Jail