വീട്ടമ്മയേയും മകനെയും ഫ്ലാറ്റിനുള്ളിൽ മരിച്ച നിലയിൽ കണ്ടെത്തി

ബെംഗളൂരു: ബെംഗളൂരുവിൽ വീട്ടമ്മയേയും മകനെയും ഫ്ലാറ്റിനുള്ളിൽ മരിച്ച നിലയിൽ കണ്ടെത്തി. യെലഹങ്കയിലാണ് സംഭവം. രമ്യ (40). മകൻ ഭാർഗവ് (13) എന്നിവരാണ് മരിച്ചത്. ഫ്‌ളാറ്റിൽ നിന്ന് ദുർഗന്ധം വമിക്കുന്നതിനാൽ അയൽവാസികൾ എത്തി പരിശോധിച്ചപ്പോഴാണ് സംഭവം പുറത്തറിഞ്ഞത്. ഇവർ ഉടൻ പോലീസിൽ വിവരമറിയിക്കുകയായിരുന്നു. രണ്ട് ദിവസമായി ഇരുവരും പുറത്തിറങ്ങിയിരുന്നില്ലെന്ന് പോലീസ് പറഞ്ഞു.

മൃതദേഹങ്ങൾക്ക് സമീപത്ത് നിന്നും ആത്മഹത്യ കുറിപ്പ് പോലീസിന് ലഭിച്ചിട്ടുണ്ട്. ഭർത്താവിൻ്റെ മരണശേഷം താൻ വിഷാദത്തിലായിരുന്നെന്നും ഇതാണ് ആത്മഹത്യയ്ക്ക് പ്രേരിപ്പിച്ചതെന്നും രമ്യയുടെ ആത്മഹത്യ കുറിപ്പിലുള്ളതായി പോലീസ് പറഞ്ഞു.

സോഫ്‌റ്റ്‌വെയർ എഞ്ചിനീയറായ രമ്യയുടെ ഭർത്താവ് ശ്രീധർ മൂന്ന് മാസം മുമ്പാണ് കാൻസർ ബാധിച്ച് മരിച്ചത്. ഭർത്താവിൻ്റെ മരണശേഷം ഇവർ സാമ്പത്തിക ബുദ്ധിമുട്ടുകൾ നേരിട്ടിരുന്നതായും പോലീസ് പറഞ്ഞു. മരണകാരണം കണ്ടെത്താൻ പോസ്റ്റ്‌മോർട്ടം റിപ്പോർട്ട് കാത്തിരിക്കുകയാണെന്ന് പോലീസ് അറിയിച്ചു.

TAGS: BENGALURU UPDATES | SUUCIDE
SUMMARY: Homemaker, minor son found dead in flat at Yelahanka in Bengaluru