ബെംഗളൂരു: സംസ്ഥാനത്ത് ബിയർ വില വർധിപ്പിച്ചേക്കും. ബസ് ചാർജുകളിലെ സമീപകാല വർധനവിന്റെ പശ്ചാത്തലത്തിലാണിത്. മെട്രോ, ജല ഉപയോഗം എന്നിവയ്ക്കും നിരക്ക് വർധിപ്പിക്കാൻ സർക്കാർ ആലോചിക്കുന്നുണ്ട്. ബിയർ വില വർധനവ് സംബന്ധിച്ച ചർച്ചകൾ നടന്നുവരികയാണെന്നും എന്നാൽ ഇതുവരെ വ്യക്തമായ തീരുമാനമെടുത്തിട്ടില്ലെന്നും എക്സൈസ് മന്ത്രി ആർ.ബി. തിമ്മാപുർ പറഞ്ഞു.
ബിയർ ഒഴികെ മദ്യത്തിന്റെ വില വർധിപ്പിക്കാൻ ഇപ്പോൾ പദ്ധതിയിടുന്നില്ല. തീരുമാനം അന്തിമമാക്കാൻ മുഖ്യമന്ത്രിയുമായി ചർച്ച നടത്തുമെന്ന് അദ്ദേഹം പറഞ്ഞു. 2023 ജൂലൈയിലെ സംസ്ഥാന ബജറ്റിൽ ഇന്ത്യൻ നിർമ്മിത വിദേശ മദ്യത്തിന്റെ (ഐഎംഎഫ്എൽ) എക്സൈസ് തീരുവയിൽ 20 ശതമാനം വർധനവും ബിയറിന്റെ വിലയിൽ 10 ശതമാനം വർധനവും സർക്കാർ പ്രഖ്യാപിച്ചിരുന്നു. ഇക്കഴിഞ്ഞ ഓഗസ്റ്റിൽ, സ്ട്രോങ് ബിയറിന് ഉയർന്ന എക്സൈസ് തീരുവ ചുമത്താൻ സർക്കാർ നിർദേശിച്ചിരുന്നു.
TAGS: KARNATAKA | PRICE HIKE | BEER
SUMMARY: Beer prices likely to go up in state
WhatsApp
Telegram
