ബെംഗളൂരു: സ്വകാര്യ ബസ് കുഴിയിലേക്ക് വീണ് 20ലധികം യാത്രക്കാർക്ക് പരുക്ക്. ബുധനാഴ്ച ശിവമോഗ ബൊമ്മനക്കാട്ടെ റെയിൽവേ ഗേറ്റിന് സമീപമാണ് സംഭവം. ഡ്രൈവർക്ക് നിയന്ത്രണം വിട്ട് ബസ് കുഴിയിലേക്ക് മറിയുകയായിരുന്നു.
സ്കൂൾ കുട്ടികളടക്കം 20ലധികം യാത്രക്കാർക്കാണ് പരുക്കേറ്റത്. ഇവരിൽ നാല് പേരുടെ നില അതീവഗുരുതരമാണ്. ബൊമ്മനക്കാട്ടെയിൽ നിന്ന് ഗോപാലയിലേക്ക് പോവുകയായിരുന്ന ബസാണ് അപകടത്തിൽപ്പെട്ടത്. ഉടൻ തന്നെ നാട്ടുകാർ ഓടിക്കൂടി യാത്രക്കാരെ രക്ഷപ്പെടുത്തി.
നിയന്ത്രണം വിട്ട ബസ് ആദ്യം വൈദ്യുതി പോസ്റ്റിൽ ഇടിക്കുകയും പിന്നീട് സമീപത്തെ കുഴിയിലേക്ക് മറിയുകയുമായിരുന്നുവെന്ന് നാട്ടുകാർ പറഞ്ഞു. പരുക്കേറ്റവരെ ചികിത്സയ്ക്കായി മക്ഗാൻ ആശുപത്രിയിലേക്ക് മാറ്റി. വിനോബ നഗർ പോലീസ് സംഭവത്തിൽ കേസെടുത്തു.
TAGS: KARNATAKA | ACCIDENT
SUMMARY: Over 20 passengers injured after bus crashes into ditch
WhatsApp
Telegram
