ആലുവ തോട്ടക്കാട്ടുകരയിലെ നിർധന പെണ്‍കുട്ടികളെ സംരക്ഷിക്കുന്ന സ്ഥാപനത്തില്‍ നിന്നും കാണാതായ മൂന്ന് പെണ്‍കുട്ടികളെയും കണ്ടെത്തി. തൃശ്ശൂരില്‍ നിന്നാണ് പെണ്‍കുട്ടികളെ കണ്ടെത്തിയത്. പെണ്‍കുട്ടികളുമായി പോലീസ് സംഘം ആലുവയിലേക്ക് തിരിച്ചു.
രാത്രിയാണ് പെണ്‍കുട്ടികള്‍ സ്ഥാപനത്തില്‍ നിന്നും ബാഗുമായി പുറത്ത് കടന്നത്. 15, 16, 18 വയസുള്ള കുട്ടികളായിരുന്നു ആരും അറിയാതെ രാത്രി പന്ത്രണ്ടരയോടെ പുറത്തേക്ക് പോയത്. മൂവരും പുറത്തേക്ക് പോകുന്നതിന്റെ സിസി ടിവി ദൃശ്യങ്ങള്‍ പോലീസിന് ലഭിച്ചിരുന്നു. ഇന്ന് പുലർച്ചെ നാലരയോടെയാണ് കുട്ടികളെ കാണാതായ വിവരം സ്ഥാപനത്തിലെ അധികൃതർ അറിയുന്നത്.
തുടർന്ന് ആലുവ പോലീസ് അന്വേഷണം നടത്തിവരികയായിരുന്നു. പ്രദേശത്തെ സിസി ടിവി ക്യാമറകള്‍ പൊലീസ് പരിശോധിച്ചിരുന്നു. റെയില്‍വേ സ്റ്റേഷൻ, ബസ് സ്റ്റാൻഡ് എന്നീ സ്ഥലങ്ങള്‍ കേന്ദ്രീകരിച്ചും അന്വേഷണം നടത്തിയിരുന്നു. ഇതോടെയാണ് പെണ്‍കുട്ടികളെ കണ്ടെത്താനായത്.
TAGS : ALUVA | GIRL | THRISSUR
SUMMARY : Three missing girls from Aluva have also been found
WhatsApp
Telegram
