ന്യൂഡൽഹി: ഇലക്ടറല് ബോണ്ട് വഴി പണം തട്ടിയെന്ന പരാതിയിൽ കേന്ദ്ര ധനമന്ത്രി നിർമല സീതാരാമനെതിരായ അന്വേഷണത്തിന് സ്റ്റേ. കര്ണാടക ഹൈക്കോടതിയുടേതാണ് ഉത്തരവ്. മന്ത്രിക്കെതിരെ അന്വേഷണം വേണമെന്ന ജനപ്രതിനിധികളുടെ കോടതിയുടെ ഉത്തരവിനാണ് സ്റ്റേ. ഇലക്ടറല് ബോണ്ട് കേസില് നിര്മല സീതാരാമന്റെ കൂട്ട് പ്രതികള്ക്കെതിരെയും അന്വേഷണമുണ്ടാകില്ല.
ജെ.പി. നദ്ദ, നളിന് കുമാര് കട്ടീല്, ബി. വൈ. വിജയേന്ദ്ര എന്നിവരായിരുന്നു പരാതിയിൽ പരാമർശിച്ച മറ്റു പ്രതികള്. ജനാധികാര സംഘര്ഷ സംഘടനയുടെ അംഗമായ ആദര്ശ് അയ്യരാണ് നിര്മല സീതാരാമനെതിരെ കോടതിയെ സമീപിച്ചത്. ഇക്കഴിഞ്ഞ ഫെബ്രുവരിയില് ഇലക്ടറല് ബോണ്ട് റദ്ദാക്കിക്കൊണ്ടുള്ള സുപ്രീംകോടതി ഉത്തരവിന് പിന്നാലെയായിരുന്നു അഭിഭാഷകന് കൂടിയായ ആദര്ശ് അയ്യര് കോടതിയെ സമീപിച്ചത്. ഇലക്ടറല് ബോണ്ടിലൂടെ നടന്നത് തീവെട്ടിക്കൊള്ളയാണെന്നും കേന്ദ്രധനമന്ത്രി നിര്മല സീതാരാമന് അടക്കമുള്ളവര് അതില് പങ്കാളിയാണെന്നുമായിരുന്നു ആദര്ശ് അയ്യരുടെ ആരോപണം.
TAGS: NIRMALA SEETHARAMAN | HIGH COURT
SUMMARY: Karnataka HC stays probe against nirmala seetharaman in electoral bond case
WhatsApp
Telegram
