ബെംഗളൂരു: ഉന്തുവണ്ടിയില് നിന്നും ഐസ്ക്രീം കഴിച്ച ഒന്നരവയസുള്ള ഇരട്ടകുട്ടികള് മരിച്ചു. മാണ്ഡ്യ ജില്ലയിലെ ശ്രീരംഗപട്ടണത്താണ് സംഭവം. ബെട്ടഹള്ളിയിലെ പ്രസന്ന പൂജ ദമ്പതികളുടെ മക്കളായ ത്രിശൂല്, ത്രിശ എന്നിവരാണ് മരിച്ചത്. അമ്മ പൂജയെ അവശനിലയില് ആശുപത്രിയില് പ്രവേശിപ്പിച്ചു
ബുധനാഴ്ച വൈകീട്ട് ഉന്തുവണ്ടിയില് നിന്നാണ് അമ്മ ഐസ്ക്രീം കഴിക്കാനായി വാങ്ങിയത്. തുടര്ന്ന് ഐസ്ക്രീം കഴിച്ച മൂന്നുപേര്ക്കും അസ്വസ്ഥതകള് അനുഭവപ്പെടുകയായിരുന്നു. ആശുപത്രിയില് പ്രവേശിപ്പിച്ച കുട്ടികള് ചികിത്സക്കിടെയാണ് മരിച്ചത്. പ്രസന്നയുടെ പരാതിയില് അരക്കരെ പോലീസ് കേസെടുത്ത് അന്വേഷണം ആരംഭിച്ചു.
അതേസമയം ഉന്തുവണ്ടിയിലേ ഇതേ വില്പനക്കാരനില് നിന്നും ഐസ്ക്രീം കഴിച്ച നിരവധിപേരുണ്ടെന്നും എന്നാല് ആര്ക്കും തന്നെ പ്രശ്നങ്ങള് റിപ്പോര്ട്ട് ചെയ്തിട്ടില്ലെന്നും പോലീസ് പറഞ്ഞു.. പോസ്റ്റ്മോർട്ടത്തിന് ശേഷമേ ഇരട്ടക്കുട്ടികളുടെ മരണകാരണം വ്യക്തമാകൂവെന്നും പോലീസ് പറഞ്ഞു. കുട്ടികളുടെ മരണത്തിൽ ദുരൂഹതയുള്ളതിനാൽ പോലീസ് അന്വേഷണം നടത്തിവരികയാണ്.
The post ഉന്തുവണ്ടിയില് നിന്നും ഐസ്ക്രീം കഴിച്ച ഇരട്ടകുട്ടികള് മരിച്ചു; അമ്മ അവശനിലയില് ആശുപത്രിയില് appeared first on News Bengaluru.
WhatsApp
Telegram
