കാട്ടാന ആക്രമണം; മടിക്കേരിയില്‍ യുവാവ്‌ കൊല്ലപ്പെട്ടു

ബെംളൂരു : മടിക്കേരിയില്‍ കാട്ടാനയുടെ ആക്രമണത്തിൽ തോട്ടം തൊഴിലാളി മരിച്ചു. ദേവരപുര ഗ്രാമത്തിലെ എസ്റ്റേറ്റ് തൊഴിലാളിയായ അന്നയ്യയാണ് (41) കൊല്ലപ്പെട്ടത്. ബുധനാഴ്ച രാവിലെയാണ് സംഭവം.

പ്രദേശത്തെ ഉത്സവാഘോഷത്തിനിടെ തോട്ടത്തിലേക്ക് പോകുന്നതിനിടെ കാട്ടാന അന്നയ്യയെ ആക്രമിക്കുകയായിരുന്നു. ഉത്സവത്തിന്റെ ഭാഗമായി അയ്യപ്പ ക്ഷേത്രത്തിൽ പൂജ നടത്തിക്കൊണ്ടിരുന്ന ഗ്രാമവാസികൾ നിലവിളി കേട്ടതിനെത്തുടർന്നാണ് സംഭവം പുറത്തറിഞ്ഞത്. വനപാലകർ സ്ഥലത്തെത്തി മൃതദേഹം മാറ്റാൻ ശ്രമിക്കുന്നതിനിടയിൽ കാട്ടാന വീണ്ടും ഉദ്യോഗസ്ഥരെയും ഗ്രാമവാസികളെയും ആക്രമിക്കാൻ ശ്രമിച്ചു. തുടർന്ന് കൂടുതൽ വനപാലകരെത്തി ആനയെ കാട്ടിലേക്ക് തുരത്തുകയുമായിരുന്നു.
<br>
TAGS : ELEPHANT ATTACK | MADIKKERI
SUMMARY : Wild elephant attack; Youth killed in Madikeri