ബെംഗളൂരു: പകർപ്പവകാശ നിയമലംഘന കേസിൽ മുൻ‌കൂർ ജാമ്യാപേക്ഷ നൽകി കന്നഡ നടൻ രക്ഷിത് ഷെട്ടി. അനുമതിയില്ലാതെ പഴയ സിനിമകളിലെ പാട്ടുകൾ ഉപയോഗിച്ചെന്നതാണ് രക്ഷിതിനെതിരായ കേസ്.
രക്ഷിത് ഷെട്ടിയുടെ പരംവ ഫിലിംസ് നിർമിച്ച ബാച്ചിലർ പാർട്ടി എന്ന സിനിമയ്ക്കെതിരെ എം.ആർ.ടി മ്യൂസിക് ആണ് പരാതി ബെംഗളൂരു പോലീസിൽ നൽകിയത്. എം.ആർ.ടി മ്യൂസിക്കിൻ്റെ പങ്കാളിയായ നവീൻ കുമാറാണ് പരാതിക്കാരൻ. ന്യായ എല്ലിദേ (1982), ഗാലി മാത്തു (1981) എന്നീ പഴയചിത്രങ്ങളിലെ പാട്ടുകൾ ബാച്ചിലർ പാർട്ടിയിൽ ഉപയോഗിച്ചിരുന്നു. തങ്ങളുടെ കമ്പനിക്കാണ് ഈ പാട്ടുകളുടെ അവകാശമെന്ന് നവീൻ കുമാർ പരാതിയിൽ പറഞ്ഞു.
നേരത്തെ 2016ലും രക്ഷിത് ഷെട്ടി സമാനമായ പ്രശ്നം നേരിട്ടിരുന്നു. കിറിക്ക് പാർട്ടി എന്ന ചിത്രത്തിൽ 1991-ൽ പുറത്തിറങ്ങിയ ശാന്തി ക്രാന്തി എന്ന ചിത്രത്തിലെ പാട്ട് ഉപയോഗിച്ചുവെന്നായിരുന്നു പരാതി.
TAGS: BENGALURU | RAKSHITH SHETTY
SUMMARY: Kannada actor Rakshit Shetty applies for anticipatory bail in copyright case
WhatsApp
Telegram
