ബെംഗളൂരു: പിയു രണ്ടാം വർഷ പരീക്ഷയുടെ ദൈർഘ്യം കുറച്ച് കർണാടക എക്സാമിനേഷൻസ് അതോറിറ്റി (കെഇഎ). വിദ്യാർഥികൾക്ക് പരീക്ഷ എഴുതാൻ അനുവദിച്ചിരുന്ന സമയം ഇനിമുതൽ മുതൽ 15 മിനിറ്റ് കുറയ്ക്കും. 2024-25 അധ്യയന വർഷം മുതൽ പുതിയ നിയമം പ്രാബല്യത്തിൽ വരുമെന്ന് കെഇഎ അറിയിച്ചു.
നേരത്തെ വിദ്യാർഥികൾക്ക് പരീക്ഷ എഴുതാൻ 3 മണിക്കൂറും, ചോദ്യപേപ്പർ വായിക്കാൻ 15 മിനിറ്റും അനുവദിച്ചിരുന്നു. എന്നാൽ പുതിയ നിയമം അനുസരിച്ച്, ഉത്തരങ്ങൾ എഴുതാൻ 2 മണിക്കൂർ 45 മിനിറ്റും ചോദ്യപേപ്പർ വായിക്കാൻ 15 മിനിറ്റും നൽകും.
മുമ്പ്, 100 മാർക്കിൻ്റെ ചോദ്യപേപ്പറിനാണ് 3 മണിക്കൂർ 15 മിനിറ്റ് നൽകിയിരുന്നത്. എന്നാൽ ഇപ്പോൾ, എഴുത്ത് പരീക്ഷ 70/80 മാർക്കിനും ബാക്കി മാർക്ക് ഇൻ്റേണൽ മൂല്യനിർണയത്തിനുമാണ് നൽകുന്നത്. ഇക്കാരണത്താലാണ് ഉത്തരങ്ങൾ എഴുതാൻ15 മിനിറ്റ് കുറച്ചതെന്ന് വിദ്യാഭ്യാസ വകുപ്പ് അറിയിച്ചു.
Karnataka Board Reduces Writing Time for 2nd PU Final Exams by 15 Minutes
— THE HINDUSTAN GAZETTE (@THGEnglish) September 13, 2024
TAGS: KARNATAKA | EXAM
SUMMARY: KEA reduces time to write PUC II examination by 15 minutes
WhatsApp
Telegram
