പൊൻ കാസിൽ ഫ്രണ്ട്സ് ഈദ് സൗഹൃദ കൂട്ടായ്മ

ബെംഗളൂരു: കനകാ നഗർ പൊൻ കാസിൽ ഫ്രണ്ട്സ് ഈദ് സൗഹൃദ സംഗമം സംഘടിപ്പിച്ചു. ജാതിക്കും മതത്തിനും ഭാഷയ്ക്കും വർണ്ണത്തിനും അതീതമായി പരസ്പര ഐക്യം കാത്തുസൂക്ഷിക്കുന്ന കൂട്ടായ്മകൾ കാലഘട്ടത്തിന്റെ അനിവാര്യതയാണെന്ന് സംഗമം അഭിപ്രായപ്പെട്ടു. ലളിത നായക് ഈദ് സൗഹൃദ സംഗമം ഉദ്ഘാടനം ചെയ്തു. ഡോ. മസൂദ് ഷെരീഫ് മുഖ്യ പ്രഭാഷണം നിർവ്വഹിച്ചു. മനോഹർ എൽവാട്ടി, ഖലീമുല്ലഹ് തുടങ്ങിയവർ സംസാരിച്ചു.

തൊട്ടടൂത്ത ഫ്ലാറ്റുകളിൽ താമസിക്കുന്നവർ തമ്മിൽ അപരിചിതരായി കഴിയുന്ന സാഹചര്യത്തിൽ പരസ്പരം അറിയാനും വ്യക്തിബന്ധങ്ങൾ കാത്തുസൂക്ഷിക്കുവാനും വർഷങ്ങളായി നടന്നുവരുന്ന ഈദ് സൗഹൃദ സംഗമത്തിന് നേതൃത്വം കൊടുക്കുന്നതിലൂടെ സാധ്യമായിട്ടുണ്ടെന്ന് ഹസൻ പൊന്നൻ പറഞ്ഞു. മാനവികമായ ഐക്യം തകർക്കാനുള്ള ശ്രമങ്ങളെ സൗഹൃദക്കൂട്ടായ്മയിലൂടെ മാത്രമേ പ്രതിരോധിക്കാൻ കഴിയുകയുളളൂവെന്ന് അദ്ദേഹം പറഞ്ഞു.