ബെംഗളൂരു: ബെംഗളൂരു മജസ്റ്റിക് ബസ് സ്റ്റാൻഡ് നവീകരണത്തിനായുള്ള വിശദ രൂപരേഖ ഉടൻ തയ്യാറാക്കുമെന്ന് ഗതാഗത മന്ത്രി രാമലിംഗ റെഡ്ഡി. 40 വർഷത്തിലധികം പഴക്കമുള്ള ബസ് സ്റ്റാൻഡ് നഗരത്തിലെ തന്നെ ഏറ്റവും പഴയ കെട്ടിടങ്ങളിൽ ഒന്നാണ്. പുതിയതായി പണിയുന്ന ബസ് സ്റ്റാൻഡ് സമുച്ചയത്തിൽ എല്.ഇ.ഡി ഡിസ് പ്ലേ, എ.ഐ ക്യാമറ എന്നിവ സജ്ജീകരിക്കും. പുതിയ പദ്ധതിയുടെ രൂപരേഖ തയ്യാറാക്കാൻ അനുവാദം നല്കിയതായി മന്ത്രി പറഞ്ഞു. ആറ് മാസത്തിനുള്ളില് പുതിയ കെട്ടിടം പൂര്ത്തിയാക്കുമെന്നും ടെൻഡര് നടപടികള് ഉടനെ ആരംഭിക്കുമെന്നും അദ്ദേഹം വ്യക്തമാക്കി.
വാണിജ്യ ഔട്ട്ലെറ്റുകൾ ഉൾപ്പെടെ നാല് നില കെട്ടിടം സ്റ്റേഷനിൽ നിർമ്മിക്കാനാണ് പദ്ധതി. ഇവിടെ നിന്നാകും വിവിധ റൂട്ടുകളിലേക്ക് ബസ് സർവീസ് നടത്തുക. മജസ്റ്റിക്കിന്റെ ബിഎംടിസി, കെഎസ്ആർടിസി ബസ് സ്റ്റാൻഡുകളിൽ നിന്ന് പ്രതിദിനം 10,000-ത്തിലധികം ബസുകൾ സർവീസ് നടത്തുന്നുണ്ട്.
മെട്രോയിലേക്കും റെയിൽവേ സ്റ്റേഷനുകളിലേക്കും പോകുന്ന യാത്രക്കാരെ ഉൾക്കൊള്ളുന്ന തരത്തിലാണ് നവീകരിച്ച ബസ് സ്റ്റേഷൻ രൂപകൽപ്പന ചെയ്തിരിക്കുന്നത്. എഐ ക്യാമറകളും പ്ലാറ്റ്ഫോമുകളിലെ എൽഇഡി ഡിസ്പ്ലേകളും ഉൾപ്പെടെയുള്ള നൂതന സാങ്കേതികവിദ്യ പുതിയ കെട്ടിടത്തിൽ സംയോജിപ്പിക്കും.
TAGS: BENGALURU
SUMMARY: Majestic bus stand to be revamped and equipped with high-tech facilities
WhatsApp
Telegram
