ബെംഗളൂരു: ഹാസൻ ബല്ലുപേട്ടയ്ക്കും സക്‌ലേഷ്‌പുരിനും ഇടയിൽ മണ്ണിടിച്ചിൽ ഉണ്ടായതിനെ തുടർന്ന് ബെംഗളൂരു – മംഗളൂരു സെക്ടറിലെ ട്രെയിൻ സർവീസുകൾ 19 വരെ റദ്ദാക്കി. വെള്ളിയാഴ്ച ഉച്ചയ്ക്ക് 12 മണിയോടെയാണ് ട്രാക്കിന് സമീപം മണ്ണിടിച്ചിലുണ്ടായത്. 12 ട്രെയിനുകളാണ് സർവീസ് റദ്ദാക്കിയത്.
എസ്എംവിടി ബെംഗളൂരു – മുരുദേശ്വര് (16585), മുരുദേശ്വര് – എസ്എംവിടി ബെംഗളൂരു (16586), കെഎസ്ആർ ബെംഗളൂരു – കാർവാർ (16595), കാർവാർ – കെഎസ്ആർ ബെംഗളൂരു (16596), കെഎസ്ആർ ബെംഗളൂരു – കണ്ണൂർ (16511), കണ്ണൂർ – കെഎസ്ആർ ബെംഗളൂരു (16512), യശ്വന്ത്പുർ – മംഗളൂരു സെൻട്രൽ (16539), വിജയപുര – മംഗളൂരു സെൻട്രൽ (07377), മംഗളൂരു – യശ്വന്ത്പുർ (16540), മംഗളൂരു സെൻട്രൽ – വിജയപുര (07378), യശ്വന്ത്പുർ – മംഗളൂരു ജംഗ്ഷൻ (16575) മംഗളൂരു ജംഗ്ഷൻ – യശ്വന്ത്പുർ (16576) എന്നിവയാണ് റദ്ദാക്കിയ ട്രെയിനുകൾ.
വിജയപുര-മംഗളൂരു സെൻട്രൽ (07377) ട്രെയിൻ സർവീസ് ഹാസനും മംഗളൂരുവിനുമിടയിൽ ഭാഗികമായി റദ്ദാക്കി. മംഗളൂരു സെൻട്രൽ – വിജയപുര (07378) എക്സ്പ്രസ് ട്രെയിൻ മംഗളൂരു സെൻട്രലിനും ഹാസനുമിടയിൽ ഭാഗികമായി റദ്ദാക്കി.
മംഗളൂരു സെൻട്രൽ – വിജയപുര (07378) ട്രെയിൻ മംഗളൂരു ജംഗ്ഷൻ, കാർവാർ, മഡഗാവ്, ലോണ്ട, ഹുബ്ബള്ളി വഴി തിരിച്ചുവിട്ടു. കെഎസ്ആർ ബെംഗളൂരു – കാർവാർ എക്സ്പ്രസ് (16595) അരസിക്കെരെ – ഹുബ്ബള്ളി, ലോണ്ട, മഡഗാവ് വഴി തിരിച്ചുവിട്ടു. കാർവാർ-കെഎസ്ആർ ബെംഗളൂരു എക്സ്പ്രസ് (16596) മഡഗോൺ, ലോണ്ട, ഹുബ്ബള്ളി, അരസിക്കെരെ വഴി തിരിച്ചുവിട്ടു. കെഎസ്ആർ ബെംഗളൂരു – കണ്ണൂർ (16511) എക്സ്പ്രസ് ജോലാർപേട്ട, സേലം, ഷൊർണൂർ വഴി തിരിച്ചുവിട്ടു. കണ്ണൂർ-കെഎസ്ആർ ബെംഗളൂരു എക്സ്പ്രസ് (16512) ഷൊർണൂർ, സേലം, ജോലാർപേട്ട വഴി തിരിച്ചുവിട്ടതായി സൗത്ത് വെസ്റ്റേൺ റെയിൽവേ അധികൃതർ അറിയിച്ചു.
SWR Bulletin No. 2 Dated 16.08.2024 pic.twitter.com/2qGcaUJLJ8
— South Western Railway (@SWRRLY) August 16, 2024
TAGS: LANDSLIDE | TRAIN CANCELLATION
SUMMARY: Landslip near Sakleshpur affects train services on Mangaluru-Bengaluru sector
WhatsApp
Telegram
