മാക്ട ലെജൻ്റ് ഓണർ (Legend honour) പുരസ്കാരം പ്രഖ്യാപിച്ചു. വിഖ്യാത ചലച്ചിത്രകാരനായ ശ്രീകുമാരൻ തമ്പിക്കാണ് പുരസ്കാരം. ചലച്ചിത്ര രംഗത്തെ സമുന്നത പ്രതിഭകളെ ആദരിക്കുന്നതിനായി മൂന്നു വർഷത്തിലൊരിക്കല് നല്കുന്ന അവാർഡ് ഒരു ലക്ഷം രൂപയും പ്രശംസാപത്രവും ശില്പവും അടങ്ങുന്നതാണ്.
സംവിധായകൻ സിബി മലയില് ചെയർമാനും തിരക്കഥാകൃത്ത് എസ്.എൻ. സ്വാമി, സംഗീത സംവിധായകൻ വിദ്യാധരൻ എന്നിവർ അടങ്ങുന്ന ജൂറിയാണ് അവാർഡ് നിർണ്ണയിച്ചത്. ജൂറി ചെയർമാൻ സിബി മലയിലാണ് എറണാകുളം ആശിർഭവനില് വെച്ച നടന്ന മാക്ടയുടെ വാർഷിക പൊതുയോഗത്തില് പുരസ്കാരപ്രഖ്യാപനം നടത്തിയത്. എം. എ.സി.ടി. എ (MACTA) മുപ്പതാം വാർഷിക ആഘോഷച്ചടങ്ങ് സെപ്തംബർ ആദ്യവാരം കൊച്ചിയില് നടക്കുന്ന വേളയില് പുരസ്കാരം സമ്മാനിക്കും.
TAGS : SREEKUMARAN THAMBI | AWARD
SUMMARY : Macta Legend Honor Award to Sreekumaran Thambi
WhatsApp
Telegram
