യശ്വന്ത്പുർ-കണ്ണൂർ എക്സ്പ്രസിൽ വൻ കവർച്ച; യാത്രക്കാരുടെ പണവും മൊബൈൽ ഫോണുകളും നഷ്ടമായി

യശ്വന്ത്പുർ-കണ്ണൂർ എക്സ്പ്രസിൽ വൻ കവർച്ച. ഇരുപതോളം യാത്രക്കാരുടെ മൊബൈൽ ഫോണുകളും പണവുമാണ് ഇന്ന് പുലർച്ചെ നഷ്ടപ്പെട്ടത്. സേലത്തിനും ധർമ്മപുരിക്കും ഇടയിൽ വച്ചാണ് ട്രെയിനിൽ കൂട്ട കവർച്ച നടന്നത്. ഐഫോൺ ഉൾപ്പടെ നഷ്ടമായെന്ന് യാത്രക്കാർ പറഞ്ഞു. എസി കോച്ചുകളിലാണ് പ്രധാനമായും കവർച്ച നടന്നത്. യാത്രക്കാർ ഉറങ്ങുകയായിരുന്നതിനാൽ തന്നെ മോഷ‌ണം നടന്നുവെന്ന് തിരിച്ചറിയാൻ വൈകി.

ഹാൻഡ് ബാഗുകളും പാന്‍റ്സിന്‍റെ കീശയിൽ സൂക്ഷിച്ചിരുന്ന ഫോണും ആഭരണവുമാണ് മോഷ്ടിക്കപ്പെട്ടത്. പണവും മറ്റ് വസ്തുക്കളും കവർന്ന മോഷ്ടാക്കൾ ബാഗുകൾ ട്രെയിനിലെ ശുചിമുറികളിൽ ഉപേക്ഷിക്കുകയായിരുന്നു. തുടർന്ന് യാത്രക്കാർ ബാഗുകൾ കണ്ടെത്തിയതോടെയാണ് മോഷണം നടന്നതായി മനസിലാക്കിയത്. സംഭവത്തിന് പിന്നാലെ യാത്രക്കാർ സേലത്ത് ഇറങ്ങി പരാതി നൽകി.

The post യശ്വന്ത്പുർ-കണ്ണൂർ എക്സ്പ്രസിൽ വൻ കവർച്ച; യാത്രക്കാരുടെ പണവും മൊബൈൽ ഫോണുകളും നഷ്ടമായി appeared first on News Bengaluru.