ബെംഗളൂരു: ബൈക്കപകടത്തെ തുടർന്ന് ഗുരുതര പരുക്കേറ്റ് ചികിത്സയിലായിരുന്ന മലയാളി യുവാവ് മരിച്ചു. തിരുവനന്തപുരം നാലാഞ്ചിറ സ്വദേശി ആന്റണി പെരേരയുടെ മകൻ എൽവിസ് പെരേര (36) ആണ് മരിച്ചത്. ദൊഡ്ഡഗുബ്ബി മെയിൻ റോഡിൽ ഓഗസ്റ്റ് 16-നാണ് അപകടം നടന്നത്. എൽവിസും സുഹൃത്ത് അശ്വിനും സഞ്ചരിച്ചിരുന്ന ബൈക്ക് റോഡിലൂടെ പാഞ്ഞു വന്ന കുതിരയെ തട്ടി മറിയുകയായിരുന്നു. ഇരുവരും റോഡിലേക്ക് വീണു. പിൻസീറ്റിൽ യാത്ര ചെയ്തിരുന്ന എൽവിസിന്റെ തലയ്ക്ക് ഗുരുതരമായി പരുക്കേറ്റു.
ഹെന്നൂരിലെ സ്വകാര്യ ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയില്‍ കഴിയവേ വ്യാഴാഴ്ച രാത്രിയായിരുന്നു മരണം. എച്ച്എസ്ബിസി ബാങ്കിലെ ഐടി വിഭാഗം ജീവനക്കാരനായിരുന്നു. ദൊഡ്ഡഗുബ്ബിയിലായിരുന്നു താമസം. ഭാര്യ: മേബിൾ. മകൻ: ഈദൻ. മാതാവ്: റൂബി. സഹോദരൻ: എൽവിൻ. സംസ്‌കാരം ശനിയാഴ്ച 11-ന് ബാബുസപാളയ സെയ്ന്റ് ജോസഫ് ദേവാലയത്തിലെ ശുശ്രൂഷയ്ക്ക് ശേഷം ഹെഗ്‌ഡേനഗർ ക്രിസ്ത്യൻ സെമിത്തേരിയിൽ നടക്കും.
SUMMARY: Bike accident; Malayali youth dies after being treated for injuries
