യെലഹങ്ക-എറണാകുളം ഗരീബ് രഥ് സ്‌പെഷ്യൽ 30 വരെ നീട്ടി

ബെംഗളൂരു : ആഴ്ചയിൽ മൂന്നുദിവസമുള്ള എറണാകുളം-യെലഹങ്ക-എറണാകുളം ഗരീബ് രഥ് സ്‌പെഷ്യൽ എക്സ്പ്രസ് (06101/06102) ഈ മാസം 30 വരെ നീട്ടി. നേരത്തേ 19 വരെയായിരുന്നു വണ്ടി അനുവദിച്ചിരുന്നത്. എറണാകുളത്തുനിന്ന് യെലഹങ്കയിലേക്കുള്ള ട്രെയിന്‍ 22 മുതൽ 29 വരെയും യെലഹങ്കയിൽനിന്ന് എറണാകുളത്തേക്കുള്ള ട്രെയിന്‍ 23 മുതൽ 30 വരെയും നാലു സർവീസ് വീതം നടത്തും.

എറണാകുളത്തുനിന്ന് ഞായർ, ബുധൻ, വെള്ളി ദിവസങ്ങളിലും യെലഹങ്കയിൽനിന്ന് തിങ്കൾ, വ്യാഴം, ശനി ദിവസങ്ങളിലുമാണ് സർവീസ്. കെ.ആർ.പുരം, വൈറ്റ് ഫീൽഡ്, സേലം, ഈറോഡ്, തിരുപ്പൂർ, പോത്തന്നൂർ, പാലക്കാട്, തൃശൂർ എന്നിവിടങ്ങളിലാണ് സ്റ്റോപ്പ്.
<BR>
TAGS :  RAILWAY
SUMMARY : Ernakulam-Yelahanka-Eranakulam Garib Rath Special extended till 30